Flight ticket discount: விமான டிக்கெட் தள்ளுபடி.. பயணிகளுக்கு ஹேப்பி நியூஸ்!

கோடைக்காலம் நெருங்கி வரும் நிலையில், பல்வேறு விமான நிறுவனங்கள் தள்ளுபடி விலையில் விமான டிக்கெட்டுகளை விற்பனை செய்து வருகின்றன. இந்த வரிசையில் இப்போது இண்டிகோ (Indigo), கோ ஃபர்ஸ்ட் (Go First) ஆகிய நிறுவனங்களும் விமான டிக்கெட் சலுகை அறிவித்துள்ளன.

இதனால், இந்தாண்டு கோடைக்காலத்தில் சுற்றுலா பயணங்களுக்கு செல்வோர் குறைந்த செலவிலேயே பயணத்தை முடித்துவிடலாம். உள்நாட்டு பயணங்கள், வெளிநாட்டு பயங்கள் இரண்டுக்குமே இண்டிகோ, கோ ஃபர்ஸ்ட் நிறுவனங்கள் தள்ளுபடி விலையில் டிக்கெட் விற்பனை செய்கின்றன.

இன்றுடன் (பிப்ரவரி 24) சிறப்பு தள்ளுபடி டிக்கெட் விற்பனை முடிவுக்கு வருவதாகவும் கோ ஃபர்ஸ்ட், இண்டிகோ ஆகிய இரண்டு நிறுவனங்களும் தெரிவித்துள்ளன.

இதில் கோ ஃபர்ஸ்ட் நிறுவனம் உள்நாட்டு பயணங்களுக்கு 1199 ரூபாய் முதலும், வெளிநாட்டு பயணங்களுக்கு 6139 ரூபாய் முதலும் டிக்கெட்டுகளை விற்பனை செய்து வருகிறது. மார்ச் 12 முதல் செப்டம்பர் 30ஆம் தேதி வரையிலான காலத்துக்கு டிக்கெட் புக்கிங் செய்யலாம். இன்றே டிக்கெட் புக் செய்ய கடைசி நாள்.

மறுபுறம், இண்டிகோ நிறுவனம் உள்நாட்டு விமான டிக்கெட்டுகளை 2093 ரூபாய் முதல் விற்பனை செய்கிறது. மார்ச் 13 முதல் அக்டோபர் 13ஆம் தேதி வரையிலான காலத்துக்கு விமான டிக்கெட்டுகளை புக்கிங் செய்யலாம். பிப்ரவரி 25ஆம் தேதிக்கு முன் விமான டிக்கெட்டுகளை முன்பதிவு செய்துவிட வேண்டும் என இண்டிகோ நிறுவனம் தெரிவித்துள்ளது.

இண்டிகோ, கோ ஃபர்ஸ்ட் ஆகிய இரண்டு நிறுவனங்களிலும் ஆன்லைனில் இணையதளம் வாயிலாகவோ, மொபைல் ஆப் வாயிலாகவோ விமான டிக்கெட் முன்பதிவு செய்யலாம். இதுபோக டிராவல் ஏஜெண்டுகள் வாயிலாகவும் டிக்கெட் முன்பதிவு செய்யலாம்.