கிரெடிட் ஸ்கோரில் பிரச்சினையா? இனி கவலைப்படாதிங்க.. ரிசர்வ் வங்கி சூப்பர் அறிவிப்பு!

ஒவ்வொரு நபருக்கும் ஒரு கிரெடிட் ஸ்கோர் (Credit Score) இருக்கும். கிரெடிட் ஸ்கோர் என்பது ஒரு நபரின் கடன் வரலாற்றை எண் வடிவில் சுருக்கமாக சொல்வது. கடன் வாங்கிய நபர் சரிவர கடனை திருப்பி செலுத்தியிருந்தால் அவருக்கு நல்ல கிரெடிட் ஸ்கோர் இருக்கும்.

முறையாக கடனை திருப்பிச் செலுத்தாதவர்களுக்கு மோசமான கிரெடிட் ஸ்கோர் இருக்கும். சிபில் (CIBIL), எக்ஸ்பீரியன் (Experian), ஈக்விஃபேக்ஸ் (Equifax) உள்ளிட்ட நிறுவனங்கள் கிரெடிட் ரிப்போர்ட்டுகளை வெளியிடுகின்றன. இதில் மிகவும் பிரபலமானது சிபில் ஸ்கோர் (CIBIL Score).

இந்நிலையில், சிலருக்கு கிரெடிட் ஸ்கோர் சரியாக இல்லாமல் தவறாக வருவதாக புகார்கள் எழுந்துள்ளன. இதனால், கடனுக்கு விண்ணப்பிக்கும் நபர்களும் அவதிப்படுகின்றனர். கடன் கொடுக்கும் வங்கிகள் மற்றும் நிதி நிறுவனங்களும் குழப்பமடைந்து கடன் கொடுக்க மறுக்கின்றன.

Repo Rate: ரெப்போ வட்டி என்றால் என்ன? இதனால் பொதுமக்களுக்கு என்னாகும்?
இந்நிலையில், இன்று ரிசர்வ் வங்கியின் கொள்கை கூட்ட முடிவுகளை ரிசர்வ் வங்கி ஆளுநர் சக்திகந்தா தாஸ் வெளியிட்டார். அதில், கிரெடிட் நிறுவனங்கள் கொடுக்கும் தகவல்களில் தவறு இருந்தால் நேரடியாக ரிசர்வ் வங்கியிடமே புகார் தெரிவிக்கலாம் என்று சக்திகந்தா தாஸ் தெரிவித்துள்ளார்.