மீண்டு எழுந்த உற்பத்தித் துறை!

கடந்த ஓராண்டுக்கும் மேலாகவே இந்தியாவில் பொருளாதார மந்தநிலை நீடித்து வருவதால், பல்வேறு துறைகளில் வளர்ச்சி நலிந்துள்ளது. குறிப்பாக தொழில் துறை உற்பத்தியில் மந்தநிலை ஏற்பட்டுள்ளது. குறிப்பாக அதிக வேலைவாய்ப்புகளை வழங்கி வரும் உற்பத்தித் துறையில் மந்தநிலை நீடித்ததால் வருவாய் இழப்பும் பணியிழப்பும் அதிகமாக இருந்தன. எனினும், அக்டோபர் மாதத்தில் வளர்ச்சி சற்று மேம்பட்டு 0.2 சதவீதமாக இருந்தது. இந்நிலையில் நவம்பர் மாதத்தில் இந்தியாவின் தொழில் துறை உற்பத்தி 1.8 சதவீதமாக உயர்ந்துள்ளதாக மத்திய அரசு தற்போது வெளியிட்டுள்ள அறிக்கையில் தெரிவித்துள்ளது.

தொழில் துறை உற்பத்தியிலேயே அதிகபட்சமாக உற்பத்தித் துறை 2.7 சதவீதம் வளர்ச்சி கண்டுள்ளது. அதைத் தொடர்ந்து சுரங்கத் துறையில் 1.7 சதவீத வளர்ச்சி ஏற்பட்டுள்ளது. மிக மோசமாக மின்சாரத் துறையில் 5 சதவீத வீழ்ச்சி ஏற்பட்டுள்ளது. ஏப்ரல் - நவம்பர் காலகட்டத்தில் சுரங்கத் துறையில் 0.1 சதவீத வீழ்ச்சியும், உற்பத்தித் துறையில் 0.9 சதவீத வளர்ச்சியும், மின்சாரத் துறையில் 0.8 சதவீத வளர்ச்சியும் ஏற்பட்டுள்ளது. நவம்பர் மாதத்தில் இந்தியாவில் உள்ள 23 தொழில் துறைகளில் 13 துறைகள் மட்டுமே வளர்ச்சி கண்டுள்ளன.

வெற்றிநடை போடும் இன்ஃபோசிஸ்: கோடிக் கணக்கில் லாபம்!

மோட்டார் வாகனங்கள், டிரெய்லர் வாகனங்கள் உற்பத்தி 12.6 சதவீதம் வீழ்ச்சி கண்டுள்ளது. உள்கட்டுமான உபகரணங்கள் உற்பத்தி 3.5 சதவீதமும், உபகரணங்கள் தயாரிப்புக்கான எந்திரங்கள் உற்பத்தி 8.6 சதவீதமும் வீழ்ச்சியடைந்துள்ளன. நுகர்வோர் பயன்பாட்டுப் பொருட்கள் உற்பத்தியில் 1.5 சதவீத வீழ்ச்சி ஏற்பட்டுள்ளது. ஏப்ரல் - நவம்பர் மாதங்களில் சுரங்கத் துறையில் 3.7 சதவீதத்திலிருந்து 0.1 சதவீதமாக வளர்ச்சி குறைந்துள்ளது. உற்பத்தித் துறையில் 4.9 சதவீதத்திலிருந்து 0.9 சதவீதமாகவும், மின்சாரத் துறையில் 6.6 சதவீதத்திலிருந்து 0.8 சதவீதமாகவும் வளர்ச்சி குறைந்துள்ளது.

ஈரான் பிரச்சினை சரியானால் இந்திய விமானங்கள் பறக்கும்!

நுகர்வோர் பயன்பாட்டுப் பொருட்களுக்கான உற்பத்தி 2018 ஏப்ரல் - நவம்பரில் 3 சதவீதம் வீழ்ச்சி கண்டிருந்த நிலையில் 2018ஆம் ஆண்டில் கணிசமான வளர்ச்சி ஏற்பட்டதாக இந்த அறிக்கையில் தெரிவிக்கப்பட்டுள்ளது.