Adani net worth: அதானி சொத்து மதிப்பு சரிவு.. உலக பணக்காரர்கள் பட்டியலில் மீண்டும் பின்னடைவு!

அதானி குழுமத்தை சேர்ந்த நிறுவனங்களின் பங்குகள் தொடர்ந்து இன்றும் சரிந்துள்ள நிலையில், உலக பணக்காரர்கள் பட்டியலில் அதானி குழுமத்தின் தலைவர் கவுதம் அதானி மேலும் கீழே இறங்கியுள்ளார்.

அமெரிக்காவை சேர்ந்த ஹிண்டென்பர்க் நிறுவனம் கடந்த வாரம் அதானி குறித்து ஒரு ஆய்வறிக்கையை வெளியிட்டிருந்தது. அதில், அதானி குழுமம் கணக்கு மோசடி உள்ளிட்ட பல்வேறு மோசடிகளிலும், முறைகேடுகளிலும் ஈடுபட்டிருப்பதாக குற்றம்சாட்டப்பட்டுள்ளது.

இதையடுத்து, ஜனவரி 25ஆம் தேதி முதல் அதானி பங்குகள் கடுமையாக சரிந்து வருகின்றன. குறிப்பாக ஜனவரி 27ஆம் தேதி பங்கு வர்த்தகத்தில் அதானி பங்குகள் 20% வரை சரிந்தன. இதனால், உலக பணக்காரர்கள் பட்டியலில் 3ஆம் இடத்தில் இருந்து 7ஆம் இடத்துக்கு தள்ளப்பட்டார் கவுதம் அதானி.

இன்று பங்கு வர்த்தகத்தில் சில அதானி பங்குகள் லேசாக ஏற்றம் கண்டுள்ளன. இருப்பினும், இன்றும் சில அதானி பங்குகள் 20% வரை சரிந்துள்ளன. இன்று அதானி கிரீன், அதானி டோட்டல் கேஸ் ஆகிய பங்குகள் 20% சரிந்துள்ளன. அதானி ட்ரான்ஸ்மிஷன் பங்கு 15% சரிந்துள்ளது. இதுபோக அதானி வில்மர் பங்கு 5% சரிந்துள்ளது. மேலும் என்டிடிவி பங்கு 5% சரிந்துள்ளது. அதானி பவர் பங்கு 5% சரிந்துள்ளது.

Hindenburg: மோசடி செஞ்சிட்டு தேசிய கொடிக்குள் ஒளியாதிங்க.. அதானிக்கு ஹிண்டென்பர்க் பதிலடி!
இதனால், Forbes உலக பணக்காரர்கள் பட்டியலில் அதானி குழுமத்தின் தலைவர் கவுதம் அதானி 7ஆம் இடத்தில் இருந்து 8ஆம் இடத்துக்கு சறுக்கியுள்ளார். Forbes தகவல்படி கவுதம் அதானியின் சொத்து மதிப்பு மேலும் 8.5 பில்லியன் டாலர் சரிந்து 88.2 பில்லியன் டாலராக குறைந்துள்ளது.

அதானி - ஹிண்டென்பர்க் மோதல்:

ஹிண்டென்பர்க் நிறுவனத்தின் அறிக்கையில் உள்ளது முழுவதும் பொய் எனவும், அந்த அறிக்கை இந்தியா மீது தொடுக்கப்பட்ட தாக்குதல் எனவும் அதானி குழுமம் குற்றம்சாட்டியுள்ளது.

இதற்கு ஹிண்டென்பர்க் நிறுவனம் அளித்துள்ள மறு பதிலில், “அதானி குழுமம் உண்மையான பிரச்சினையில் இருந்து கவனத்தை திசைத்திருப்பி தேசியவாத போர்வையில் ஒளிந்துகொள்கிறது. அதானி குழுமம் மற்றும் கவுதம் அதானியின் தனிப்பட்ட வளர்ச்சி என்பது இந்தியாவின் வளர்ச்சி என காட்டுவதற்கு அதானி முயல்கிறது.

இதை ஏற்க முடியாது. தெளிவாக சொன்னால், இந்தியா ஒரு துடிப்பான ஜனநாயக நாடு. வளர்ந்து வரும் வல்லரசாக உள்ள இந்தியாவுக்கு நல்ல எதிர்காலம் இருப்பதாக நம்புகிறோம். ஆனால், இந்தியாவின் வளர்ச்சியை அதானி குழுமம் தடுப்பதாகவும் நினைக்கிறோம்.

அதானி குழுமம் இந்திய தேசிய கொடியை போர்த்திக்கொண்டு நாட்டையே கொள்ளை அடிக்கிறது. உலகின் பணக்காரர்களில் ஒருவர் மோசடி செய்தாலும் மோசடி என்பது மோசடிதான்” என்று தெரிவித்துள்ளது.

பட்ஜெட்

பட்ஜெட் செய்திகள்

வரி சேமிப்பு

வருமான வரி கால்குலேட்டர்

பட்ஜெட் கேள்வி பதில்கள்

வருமான வரி