Infosys CEO: சலீல் பரேக் பதவிக்காலம் நீட்டிப்பு.. இன்ஃபோசிஸ் முடிவு!

இந்தியாவின் இரண்டாவது மிகப்பெரிய ஐடி நிறுவனமான இன்ஃபோசிஸ் (Infosys) நிறுவனத்தின் தலைமை நிர்வாகியாகவும் (CEO), நிர்வாக இயக்குநராகவும் (MD) சலீல் பரேக் பதவிக்காலம் நீட்டிக்கப்பட்டுள்ளது.

2018ஆம் ஆண்டு ஜனவரி முதல் இன்ஃபோசிஸ் நிறுவனத்தின் தலைமை நிர்வாகியாக சலீல் பரேக் பதவி வகித்து வருகிறார். இந்நிலையில், மே 21ஆம் தேதி இன்ஃபோசிஸ் நிறுவனத்தின் போர்டு கூட்டம் நடைபெற்றது. அப்போது, சலீல் பரேக்கின் பதவிக்காலத்தை நீட்டிக்க முடிவு செய்யப்பட்டது.

இதன்படி, 2027 மார்ச் மாதம் வரை சலீல் பரேக்கின் தலைமை நிர்வாகி, நிர்வாக இயக்குநர் பதவிகள் நீட்டிக்கப்பட்டுள்ளது. இன்ஃபோசிஸ் நிறுவனத்தின் என்ஆர்சி கமிட்டியின் பரிந்துரைகளுக்கு ஏற்ப சலீல் பரேக்கின் பதவிக்காலத்தை நீட்டிக்க போர்டு முடிவு செய்துள்ளது.

சித்ராவுக்கு அதிகரிக்கும் நெருக்கடி.. புரோக்கர்களிடம் சிபிஐ ரெய்டு!
சலீல் பரேக்கின் பதவிக்காலம் நீட்டிப்புக்கு பங்குதாரர்கள் ஒப்புதல் அளித்தபின் முழுமையாக பதவிக்காலம் நீட்டிப்பு அமலுக்கு வரும். சலீல் பரேக்கிற்கு ஐடி சேவை துறையில் 30 ஆண்டுகளுக்கு மேல் அனுபவம் உண்டு. இதற்கு முன் கேப்ஜெமினி, EY உள்ளிட்ட நிறுவனங்களில் பணிபுரிந்துள்ளார்.

கேப்ஜெமினி நிறுவனத்தில் 25 ஆண்டுகளாக பல்வேறு முக்கிய பதவிகளை சலீல் பரேக் வகித்துள்ளார். கேப்ஜெமினி குழுமத்தின் தலைமை போர்டு உறுப்பினராகவும் சலீல் பரேக் பதவி வகித்தவர் என்பது குறிப்பிடத்தக்கது.