ஐ ஜாலி... வீட்டுக் கடன் வாங்குறது ஈஸி!

இந்தியாவில் கொரோனா வைரஸ் பாதிப்பால் கடும் பொருளாதார நெருக்கடி ஏற்பட்டுள்ளது. இந்தச் சூழலில் ரிசர்வ் வங்கி ஆளுநர் சக்திகாந்த தாஸ் நேற்று (மே 22) காலையில் செய்தியாளர்களைச் சந்தித்து வங்கிகளுக்கும் பொதுமக்களும் சலுகை வழங்கும் அறிவிப்பை வெளியிட்டார். அதாவது, ரிசர்வ் வங்கி தரப்பிலிருந்து வங்கிகளுக்கு வழங்கும் குறுகிய காலக் கடன்களுக்கான ரெப்போ வட்டி விகிதம் 4.40 சதவீதத்திலிருந்து 0.40 சதவீதம் குறைக்கப்பட்டது. இதனால், தற்போது ரெப்போ விகிதம் 4 சதவீதம் என்ற அளவில் உள்ளது.

பல ஆண்டுகளுக்குப் பிறகு ரெப்போ விகிதம் 4 சதவீதம் என்ற அளவுக்குக் குறைந்துள்ளதால், வீட்டுக் கடன், வாகனக் கடன்களுக்கான வட்டி விகிதம் 40 புள்ளிகள் வரையில் குறையும் என்று எதிர்பார்க்கப்படுகிறது. இந்தியாவின் மிகப் பெரிய பொதுத் துறை வங்கியான ஸ்டேட் பேங்க் ஆஃப் இந்தியாவில் தற்போது ரூ.30 லட்சம் வரையிலான வீட்டுக் கடன்களுக்கான வட்டி விகிதம் 7.4 சதவீதமாக இருக்கிறது. ரிசர்வ் வங்கியின் ரெப்போ வட்டிக் குறைப்பு அறிவிப்பைத் தொடர்ந்து வீட்டுக் கடன்களுக்கான வட்டி 7 சதவீதமாகக் குறைந்துள்ளது.

வசமாகச் சிக்கிய அம்பானி... இங்கிலாந்து நீதிமன்றத்தில் தீர்ப்பு!

ரூ.30 லட்சம் முதல் ரூ.75 லட்சம் வரையிலான வீட்டுக் கடன்களுக்கான வட்டி விகிதம் 7.65 சதவீதத்திலிருந்து 7.25 சதவீதமாகக் குறைந்திருக்கிறது. ரூ.75 லட்சத்துக்கும் மேலான வீட்டுக் கடன்களுக்கான வட்டி விகிதம் 7.75 சதவீதத்திலிருந்து 7.35 சதவீதமாகக் குறைந்துள்ளது. 2019 அக்டோபர் மாதத்தில் வீட்டுக் கடன்களுக்கான வட்டி விகிதமானது ரெப்போ விகிதத்துடன் இணைக்கப்பட்டதிலிருந்து இதுவரையில் 1.5 சதவீதப் புள்ளிகள் குறைந்துள்ளது. 2019 அக்டோபரில் ரூ.30 லட்சத்துக்கான ஈஎம்ஐ தொகை ரூ.22,855 ஆக இருந்தது. அது தற்போது ரூ.19,959 ஆகக் குறைந்துள்ளது.

IBM: ஐடி ஊழியர்களே உஷார்... அடுத்து வெளியேற்றப்படுவது யார்?

ரிசர்வ் வங்கியின் தற்போதைய ரெப்போ வட்டிக் குறைப்பு அறிவிப்பானது வீட்டுக் கடன் நிறுவனங்களையும், ரெப்போவுடன் இணைக்காத வீட்டுக் கடன் வழங்கும் சில வங்கிகளையும் சார்ந்துள்ள வாடிக்கையாளர்களுக்குப் பயனளிக்காது என்று கூறப்படுகிறது.