உலகப் பொருளாதாரத்துக்கே ஆபத்து.. IMF எச்சரிக்கை!

உக்ரைன் - ரஷ்யா போர் காரணமாக கடந்த சில மாதங்களாக பணவீக்கம் மிக கடுமையாக உயர்ந்தது. இதையடுத்து, பணவீக்கத்தை கட்டுப்படுத்த பல்வேறு நாடுகளில் வட்டி விகிதம் உயர்த்தப்பட்டுள்ளது.

இந்நிலையில், அதிக பணவீக்கத்தால் ஆபத்துகள் இருப்பதாகவும், இதை கண்டுகொள்ளாமல் விட்டால் சர்வதேச அளவில் பொருளாதார சரிவு ஏற்படக்கூடும் எனவும் சர்வதேச நாணய நிதியம் (IMF) எச்சரித்துள்ளது.

மேலும், உலக பொருளாதார வளர்ச்சிக்கான மதிப்பீட்டையும் சர்வதேச நாணய நிதியம் குறைத்துள்ளது. கடந்த ஏப்ரல் மாதம் சர்வதேச நிதியம் வெளியிட்ட அறிக்கையில், உலகப் பொருளாதாரம் 3.6% உயரும் என மதிப்பிட்டிருந்தது. இந்நிலையில், தற்போது மதிப்பீட்டை 3.2% ஆக குறைத்துள்ளது சர்வதேச நாணய நிதியம்.

வருமான வரித் தாக்கல் கடைசி தேதி நீட்டிப்பு.. மத்திய அரசுக்கு ஆடிட்டர்கள் சங்கம் கடிதம்!
ரஷ்யா மற்றும் சீனாவில் ஏற்பட்டுள்ள பிரச்சினைகளால் நடப்பு ஆண்டின் இரண்டாம் அரையாண்டில் உலகப் பொருளாதாரம் குறைந்துளதாக சர்வதேச நாணய நிதியம் தெரிவித்துள்ளது. குறிப்பாக ஏப்ரல் மாதத்துக்கு பின் நிலைமை மோசமடைந்துள்ளதாக கூறுகிறது.

உலகின் மிகப்பெரிய மூன்று பொருளாதாரங்களான அமெரிக்கா, சீனா, ஐரோப்பிய மண்டலம் ஆகிய பகுதிகளில் பொருளாதார வளர்ச்சி தேங்கியுள்ளதாகவும், இதன் பின்விளைவுகள் உலகளவில் எதிரொலிக்கும் எனவும் சர்வதேச நாணய நிதியம் தெரிவித்துள்ளது.