ரிஸ்க் இல்லாமல் ரூ.4 லட்சம் லாபம்.. இப்படி ஒரு போஸ்ட் ஆபீஸ் திட்டமா!

ரிஸ்க் எடுக்க விரும்பாத முதலீட்டாளர்களுக்கு தபால் அலுவலக முதலீட்டுத் திட்டங்கள் ஒரு வரப்பிரசாதம் என்றே கூறலாம். இதனால் தபால் அலுவலகத் திட்டங்கள் கிராமப்புற மக்கள், மிடில் கிளாஸ் மக்கள் என வெகுமக்களிடையே வரவேற்பை பெற்றுள்ளன.

இந்நிலையில், தபால் அலுவலக தொடர் வைப்பு திட்டம் (Recurring Deposit) பாதுகாப்பான முதலீடாக மட்டுமல்லாமல் நல்ல வருமானம் தரக்கூடியதாகவும் உள்ளது. இத்திட்டத்தில் தொடர்ந்து சிறு தொகையாக முதலீடு செய்துவந்தால் நல்ல லாபம் கிடைக்கும்.

தபால் அலுவலக தொடர் வைப்புத் திட்டத்தில் குறைந்தபட்சம் 100 ரூபாய் முதலீடு செய்யலாம். அதிகபட்ச முதலீட்டுக்கு வரம்பு இல்லை. தற்போது தொடர் வைப்பு திட்டத்துக்கு 5.8% வட்டி வழங்கப்பட்டு வருகிறது.

15 நாட்கள் விடுமுறை.. ஊழியர்கள் ஜாலி!
தபால் அலுவலக தொடர் வைப்பு திட்டத்தில் மாதம் 10000 ரூபாய் முதலீடு செய்வதாக வைத்துக்கொள்வோம். தற்போது வழங்கப்படும் 5.8% வட்டியை வைத்துக் கணக்கிட்டால் உங்கள் பணம் 16 லட்சம் ரூபாயாக மாறிவிடும். ஏனெனில் வட்டி தொகை ஒவ்வொரு காலாண்டுக்கும் கணக்கிடப்பட்டு செலுத்தப்படுகிறது.

மாதம் 10000 ரூபாய் என 10 ஆண்டுகளுக்கு முதலீடு செய்தால் உங்களின் மொத்த முதலீட்டுத் தொகை 12 லட்சம் ரூபாய். ஆனால் 10 ஆண்டு இறுதியில் 16 லட்சம் ரூபாயாக வளர்ந்திருக்கும். ரிஸ்க்கே எடுக்காமல் 4 லட்சம் ரூபாய் லாபம் சம்பாதித்துவிடலாம்.