மியூச்சுவல் ஃபண்ட் முதலீட்டில் ஆர்வமா? அப்போ இதில் முதலீடு செய்யலாம்!

மியூச்சுவல் ஃபண்ட் முதலீடு என்பது தொழில் முறையாக நிர்வகிக்கப்படும் கூட்டு முதலீட்டுத் திட்டமாகும். பல முதலீட்டாளர்களிடமிருந்து பணத்தைத் திரட்டி அந்த நிதியானது பங்குகள், பத்திரங்கள், குறுகிய கால சந்தைப் பத்திரங்கள் ஆகியவற்றில் முதலீடு செய்யப்படுகிறது. பெரும் எண்ணிக்கையிலான சிறு முதலீட்டாளர்களின் மூலம் சேகரிக்கப்படும் நிதியை ஒன்று திரட்டி மியூச்சுவல் ஃபண்ட் உருவாக்கப்படுகிறது. பொதுவான முதலீட்டு நோக்கத்தைக் கொண்ட முதலீட்டாளர்களிடமிருந்து பணத்தைத் திரட்டும் ஒரு அமைப்பாக இது இருக்கும். நீண்ட கால அடிப்படையில் சேமித்து பெரிய நிதியைத் திரட்ட நினைப்பவர்களுக்கு இது நல்ல வாய்ப்பாக இருக்கும்.

எவ்வளவு நீண்ட காலம் இதில் முதலீடு செய்கிறீர்களோ அவ்வளவு அதிகமாக இதில் லாபம் கிடைக்கும். உடனடியாகப் பணத்தை எடுத்துவிட்டால் லாபம் இருக்காது. கடந்த ஒரு ஆண்டில் மட்டும் நிறைய மியூச்சுவல் ஃபண்ட் திட்டங்கள் 79 சதவீதம் வரையில் ரிட்டன் தந்துள்ளதாகவும், இந்தத் திட்டங்களில் முதலீடு செய்தால் அதிக பயன் கிடைக்கும் எனவும் வல்லுநர்கள் கூறுகின்றனர்.

Mahindra manulife multi cap enhancement plan என்ற மியூச்சுவல் ஃபண்ட் திட்டம் கடந்த ஒரு ஆண்டில் மட்டும் 78.62 சதவீத ரிட்டன் வழங்கியுள்ளது. ஆனால் இந்தத் திட்டத்தில் கடந்த ஆறு மாதங்களில் 37.79 சதவீத ரிட்டனும், மூன்று மாதங்களில் 14.12 சதவீத ரிட்டனும் மட்டுமே கிடைத்துள்ளது. எனவே நீண்ட கால அடிப்படையில்தான் இதில் அதிக லாபம் கிடைக்கிறது.

BNB paribas multi cap fund திட்டத்தில் கடந்த ஒரு ஆண்டில் 63.67 சதவீத ரிட்டன் கிடைத்துள்ளது. அதேபோல, Baroda multi cap fund திட்டத்தில் 71.42 சதவீத ரிட்டனும், Invesco india multi cap fund திட்டத்தில் 73.89 சதவீத ரிட்டனும் கிடைத்துள்ளது.