பென்சனுக்கு வருமான வரி உண்டா? சீனியர் சிட்டிசன்கள் தெரிந்துகொள்ள வேண்டியவை!

60 வயதை தாண்டிய சீனியர் சிட்டிசன்களுக்கு ஆண்டுக்கு 3 லட்சம் ரூபாய் வரை வருமானத்துக்கு வரி இல்லை. 3 லட்சம் மேல் 5 லட்சம் ரூபாய் வரை 5%, 5 லட்சம் ரூபாய் மேல் 10 லட்சம் ரூபாய் வரை 10,000 ரூபாயும் 20% வரி, 10 லட்சம் ரூபாய்க்கு மேல் 1,10,000 ரூபாயும் 30% வரியும் விதிக்கப்படும்.

80 வயதை தாண்டிய சீனியர் சிட்டிசன்களுக்கு ஆண்டுக்கு 5 லட்சம் ரூபாய் வரை வருமான வரி கிடையாது. 5 லட்சம் மேல் 10 லட்சம் ரூபாய் வரை 20% வரி, 10 லட்சம் ரூபாய்க்கு மேல் 1 லட்சம் ரூபாயும், 30% வரியும் விதிக்கப்படும்.

பணி ஓய்வு பெற்ற சீனியர் சிட்டிசன்களுக்கான பென்சன் தொகை வருமான வரி வரம்புக்கு மீறி இருந்தால் அதற்கு உரிய விகிதத்தில் வருமான வரி விதிக்கப்படும்.

அரசு ஊழியர்களுக்கான வருங்கால வைப்பு நிதி (PF) தொகைக்கு வரி கிடையாது. அரசு சாரா ஊழியர்கள் 5 ஆண்டுகளுக்கு மேல் ஒரே நிறுவனத்தில் தொடர்ந்து வேலை செய்திருந்தால் PF தொகைக்கு வரி விதிக்கப்படாது.

அரசு ஊழியர்களுக்கான கிராஜுவிட்டி (Gratuity) தொகைக்கு வருமான வரி கிடையாது.

குடும்ப ஓய்வூதிய தொகைக்கும் வருமான வரி உண்டு. 'Income from other sources’ என்ற பிரிவின் கீழ் குடும்ப ஓய்வூதியம் வருமானமாக கருதப்படும்.