Infosys Salary Hike: இன்ஃபோசிஸ் ஊழியர்களுக்கு சம்பள உயர்வு, போனஸ்.. வெளியான ஹேப்பி நியூஸ்!

இந்தியாவின் முன்னணி ஐடி நிறுவனமான இன்ஃபோசிஸ் (Infosys) தனது ஊழியர்களுக்கு சம்பள உயர்வு, போனஸ், பதவி உயர்வு உள்ளிட்ட சலுகைகளை வழங்க முடிவு செய்திருப்பதாக தகவல் வெளியாகியுள்ளது. இது இன்ஃபோசிஸ் ஊழியர்களுக்கு மகிழ்ச்சியான செய்தியாக வெளியாகியுள்ளது.

இன்ஃபோசிஸ் நிறுவனம் தனக்கு இந்தியாவில் உள்ள ஊழியர்களுக்கு சுமார் 12% முதல் 13% சம்பள உயர்வு வழங்க முடிவு செய்துள்ளதாக தகவல் வெளியாகியுள்ளது. மேலும், சிறப்பாக செயல்பட்ட ஊழியர்களுக்கு 20% முதல் 25% சம்பள உயர்வு வழங்கவும், போனஸ் வழங்கவும் இன்ஃபோசிஸ் திட்டமிட்டுள்ளது.

சிறப்பாக செயல்பட்ட ஊழியர்களுக்கு இன்னும் சிறந்த பதவிகள் வழங்கவும் இன்ஃபோசிஸ் நிறுவனம் முடிவு செய்துள்ளது. இதுபோக, சிறப்பாக செயல்பட்ட ஊழியர்களுக்கு ஏஐ, மெஷின் லேர்னிங் போன்ற தொழில்நுட்ப திறன்களை கற்றுக்கொள்ள இன்ஃபோசிஸ் வாய்ப்பு வழங்குகிறது.

சம்பளம் டபுள் மடங்கு உயர்வு.. ராஜினாமா செய்யும் ஊழியர்களை தடுக்க முடிவு!
மார்ச் மாதம் வரை இன்ஃபோசிஸ் நிறுவனத்தில் 314,015 ஊழியர்கள் வேலை செய்து வருகின்றனர். ஊழியர்களை வெளியேறுவதை தடுக்கும் வகையில் சம்பள உயர்வு வழங்குவதற்கு இன்ஃபோசிஸ் முடிவு செய்துள்ளது. மேலும், ஊழியர்களுக்கு புதிய வாய்ப்புகளும், திறன் பயிற்சியும் வழங்கப்படுவதை உறுதி செய்யும்படி மேனேஜர்களுக்கு இன்ஃபோசிஸ் நிர்வாகம் உத்தரவிட்டுள்ளது.

இதுமட்டுமல்லாமல், ஏராளமான ஃப்ரஷர்களை வேலைக்கு எடுக்கவும் இன்ஃபோசிஸ் நிறுவனம் திட்டமிட்டுள்ளது. கடந்த நிதியாண்டில் 85,000 ஃப்ரஷர்களை இன்ஃபோசிஸ் பணியில் அமர்த்தியுள்ளது. நடப்பு நிதியாண்டில் 50,000 ஃப்ரஷர்களை வேலைக்கு எடுக்க இன்ஃபோசிஸ் திட்டமிட்டுள்ளது.