ஒரு மாத ரீச்சார்ஜில் 3 மாத சலுகை தரும் ஜியோ

ஜியோ 99+303 ரீச்சார்ஜ் செய்த பயனருக்கு, அதன் ஒரு மாத பயனுக்கு பதிலாக 3 மாதங்களுக்கு டேட்டா,கால், குறுஞ்செய்தி முற்றிலும் இலவசமாக பயன்படுத்தலாம் என அறிவிப்பு வெளியிட்டுள்ளது.

ஜியோ நெட்வொர்க் ஆரம்பிக்கப்பட்ட பின்னர் முதலில் அறிமுக சலுகை என 6 மாதங்கள் டேட்டா,கால், குறுஞ்செய்தி முற்றிலும் இலவசமாக வழங்கி பயனர்களை கவர்ந்தது. அதன் பின்னர் புத்தாண்டு சலுகை என அந்த சலுகையை மேலும் 3 மாதங்களுக்கு நீட்டித்தது.

இந்நிலையில் கடந்த மார்ச் மாதம் 31ம் தேதிக்குள் 99 ரூபாய் ரீச்சார்ஜ் செய்து ஜியோ பிரைம் மெம்பராகலாம் என அறிவித்திருந்தது. மேலும் மார்ச் மாதத்திற்கு பின் ஜியோ சலுகைகள் அனுபவிக்க, ரூ 149, ரூ 309, ரூ 509 ஆகிய விலைகளில் ரீசார்ஜ் செய்துகொள்ளலாம் என தெரிவித்தது.

இதன் படி ஏப்ரல் மாததிற்காக ரூ. 309 அல்லது ரூ 509 ரீச்சார்ஜ் செய்த பயனர்கள், அந்த விலைக்கு அவர்கள் பெறும் சலுகையை ஒரு மாதத்திற்கு பதிலாக 3 மாதங்கள் இலவசமாக அனுபவிக்கலாம் என அறிவித்துள்ளது. இந்த சலுகைக்கு ஜியோ கோடைகால ஆச்சர்ய சலுகை (Jio Summer Surprise Offer) என பெயரிட்டுள்ளது.



அதோடு ஜியோ மூலம் 309 அல்லது 509 ரீச்சார்ஜ் செய்த நபர்களுக்கு குறுஞ்செய்தியும் அனுப்பி வருகின்றது.