சுதந்திர தினத்தில் சூப்பர் அறிவிப்பு.. அதிக வட்டி வழங்கும் ஃபிக்சட் டெபாசிட்!

இன்று இந்தியாவின் 76ஆவது சுதந்திர தினம் கொண்டாடப்படுகிறது. இதையொட்டி, கர்நாடகா வங்கி (Karnataka Bank) சிறப்பு ஃபிக்சட் டெபாசிட் திட்டத்தை அறிமுகப்படுத்தியுள்ளது. இத்திட்டத்துக்கு KBL Amrit Samriddhi என பெயரிடப்பட்டுள்ளது.

இத்திட்டத்தின் கீழ் 75 வாரங்களுக்கான (525 நாட்கள்) ஃபிக்சட் டெபாசிட்டுக்கு கர்நாடகா வங்கி 6.10% வட்டி வழங்குகிறது. 75 ஆண்டு சுதந்திரத்தை குறிக்கும் வகையில் 75 வாரங்களுக்கு சிறப்பு வட்டி விகிதத்தை கர்நாடகா வங்கி வழங்குகிறது.

இதுகுறித்து கர்நாடகா வங்கியின் தலைமை நிர்வாகி மகாபலேஷ்வரா, “இந்தியா தனது மக்களின் வரலாற்றையும், சாதனைகளையும் பெருமையுடன் கொண்டாடி வருகிறது. வளமான தேசப்பற்று பாரம்பரியம் கொண்ட கர்நாடகா வங்கி தனது வாடிக்கையாளர்களின் எதிர்பார்ப்புகளை பூர்த்தி செய்ய தயாராக இருக்கிறது.

பென்சன் தொகை உயர்வு.. ஓய்வூதியதாரர்களுக்கு 3 சூப்பர் நியூஸ்!
இதற்காக KBL Amrit Samriddhi என்ற புதிய திட்டம் அறிமுகப்படுத்தப்பட்டுள்ளது. இதன்படி எங்கள் வாடிக்கையாளர்களுக்கு வட்டி உயர்வு பலன்கள் கிடைக்கும். இது ஒரு குறுகிய கால சலுகை என்பதால் வாய்ப்பை பயன்படுத்திக்கொள்ளுங்கள்” என்று கேட்டுக்கொண்டுள்ளார்.