Karur Vyasya Bank Q4 Results: கரூர் வைஸ்யா வங்கியின் லாபம் 58% உயர்வு!

தமிழ்நாட்டை சேர்ந்த தனியார் வங்கியான கரூர் வைஸ்யா வங்கி (Karur Vysya Bank) தனது மார்ச் காலாண்டு முடிவுகளை வெளியிட்டுள்ளது. காலாண்டை பொறுத்தவரை மார்ச் காலாண்டில் கரூர் வைஸ்யா வங்கியின் நிகர லாபம் 58.7% அதிகரித்து 338 கோடி ரூபாயாக உயர்ந்துள்ளது.

கடந்த 2023ஆம் நிதியாண்டில் (ஏப்ரல் - மார்ச்) 12 மாதங்களில் கரூர் வைஸ்யா வங்கியின் நிகர லாபம் 64% உயர்ந்து 1106 கோடி ரூபாயாக அதிகரித்துள்ளது.

மொத்த வர்த்தகம் முந்தைய ஆண்டை விட 12.3% அதிகரித்துள்ளதாகவும், முந்தைய காலாண்டை விட 2% உயர்ந்துள்ளதாகவும் கரூர் வைஸ்யா வங்கி தெரிவித்துள்ளது. டெபாசிட்டுகள் 11.9% உயர்ந்துள்ளன. CASA 6.5% அதிகரித்துள்ளது.

இருப்புநிலை (Balance sheet):

2023 மார்ச் 31 அன்று கரூர் வய்ஸ்யா வங்கியின் இருப்பு நிலை ₹ 90,179 கோடியாக பதிவாகியிருக்கிறது. 2022 மார்ச் 31 அன்று 80,071 கோடி ரூபாய் என்பதுடன் ஒப்பிடுகையில் இதன் வளர்ச்சி 12.6% ஆகும்.

கடந்த நிதியாண்டில் கரூர் வைஸ்யா வங்கியின் நிகர லாபம் 64.3% என்ற வலுவான வளர்ச்சியை பதிவு செய் 1106 கோடி ரூபாயாக உயர்ந்துள்ளது..

முந்தைய ஆண்டை காட்டிலும் இந்த ஆண்டுக்கான PPOP 51.9% உயர்ந்து, ₹ 2,476 கோடியாக பதிவாகியிருக்கிறது.

நிகர வட்டி வருமானம் (NII), கடந்த நிதியாண்டில் 23.3% அதிகரித்து ₹ 3,349 கோடியாக உயர்ந்திருக்கிறது.

டெபாசிட்களுக்கான செலவு 0.04%s முன்னேற்றம் கண்டு 4.27% ஆக உயர்ந்துள்ளது.

கமிஷன் மற்றும் கட்டணம் வாயிலான வருவாய் 17.8% அதிகரித்து 747 கோடி ரூபாயாக உயர்ந்துள்ளது.

கடந்த நிதியாண்டில் இயக்க செலவுகள் 2032 கோடி ரூபாயாக அதிகரித்துள்ளது.

2023 மார்ச் 31 நிலவரப்படி கரூர் வைஸ்யா வங்கியிடம் 799 கிளைகள் மற்றும் 2240 ஏடிஎம்கள் / கேஷ் ரீசைக்கிளர்கள் என்ற அளவை எட்டியிருந்தன.