LIC: பெண்ணின் திருமணத்தை நடத்த அருமையான திட்டம்!

இந்தியாவின் மிகப் பெரிய அரசு காப்பீட்டு நிறுவனமான LIC மக்களுக்கான பல்வேறு காப்பீட்டுத் திட்டங்களைச் செயல்படுத்தி வருகிறது. அதில் மிக முக்கியமான திட்டங்களில் ஒன்றுதான் எல்ஐசி கன்யாதான் பாலிசி திட்டம். இத்திட்டத்தில் முதலீடு செய்தால் பெண் குழந்தைகளின் எதிர்காலத்தைப் பிரகாசமாக்க முடியும். அவர்களின் திருமணத்துக்கும் கல்விச் செலவுகளுக்கும் இந்தத் திட்டம் பேருதவியாக இருக்கும். தினமும் 121 ரூபாய் முதலீடு செய்தாலே போதும். ஒரு பெரிய தொகையை உங்களால் ஈட்டிவிட முடியும்.

தினமும் 121 ரூபாய் முதலீடு செய்தால் பெண்ணின் திருமணத்தின் போது ரூ.27 லட்சம் வரையில் கையில் கிடைக்கும். இத்திட்டத்தின் மிகச் சிறந்த அம்சம் என்னவென்றால், 25 ஆண்டுகள் முதிர்வு கொண்ட இத்திட்டத்தில் நீங்கள் 22 ஆண்டுகளுக்கு பிரீமியம் செலுத்தினாலே போதும். பாலிசி தாரர் ஒருவேளை பாதியிலேயே இறந்துவிட்டால் இத்திட்டத்துக்கான பிரீமியம் தொகையை அவரது குடும்பத்தினர் செலுத்தத் தேவையில்லை. அதேநேரம், அவரது பெண்ணுக்கு ஒவ்வொரு ஆண்டும் ஒரு லட்ச ரூபாய் வழங்கப்படும்.

பென்சனர்களுக்கு முக்கிய அறிவிப்பு: இதைச் செய்யாவிட்டால் பென்சன் கிடைக்காது!

இத்திட்டத்தில் இணைவதற்கு குறைந்தபட்ச வயது 30 ஆக இருக்க வேண்டும். அவரது பெண்ணுக்கு ஒரு வயதாக இருக்க வேண்டும். மூன்று ஆண்டுகளுக்கு பிரீமியம் செலுத்திவிட்டு இந்த பாலிசியை சரண்டர் செய்யவும் முடியும். காப்பீடு செய்பவர் விபத்தில் இறந்துவிட்டால் அவரது குடும்பத்துக்கு ரூ.20 லட்சம் கிடைக்கும். பாலிசி கணக்கு ஆக்டிவேட் ஆனவுடன் அதை வைத்து கடன் பெறும் வசதியும் உள்ளது.