Mutual Fund முதலீட்டாளர்களுக்கு புதிய ரூல்ஸ்.. இன்று முதல் அமல்!

மியூச்சுவல் ஃபண்ட் முதலீட்டாளர்களுக்கு இன்று (மே 1) முதல் புதிய விதிமுறைகள் அமல்படுத்தப்பட்டுள்ளன.

இ-வாலட் (e-wallet) வழியாக மியூச்சுவல் ஃபண்ட்களில் முதலீடு செய்வோர் கட்டாயமாக KYC முடித்திருக்க வேண்டும் என செபி (SEBI) தெரிவித்துள்ளது. இதன்படி மே 1ஆம் தேதி முதல் மியூச்சுவல் ஃபண்ட் முதலீடுகளுக்கு இ-வாலட் வழியாக முதலீடு செய்தால் கட்டாயமாக KYC முடித்திருக்க வேண்டும்.

மியூச்சுவல் ஃபண்ட் நிறுவனங்களும் முதலீட்டாளர்கள் இ-வாலட் வழியாக முதலீடு செய்தால் KYC முடித்திருக்கிறார்களா என்பதை உறுதி செய்ய வேண்டும் என செபி உத்தரவிட்டுள்ளது. இது ரிசர்வ் வங்கி விதிமுறைகளுக்கு ஏற்ப விதிக்கப்பட்ட கட்டுப்பாடு எனவும் செபி தெரிவித்துள்ளது.

2017ஆம் ஆண்டு முதல் மியூச்சுவல் ஃபண்ட்களில் 50,000 ரூபாய் வரை இ-வாலட் வழியாக முதலீடு செய்வதற்கு செபி அனுமதி அளித்தது. இந்நிலையில், தற்போது மியூச்சுவல் ஃபண்ட்களில் இ-வாலட் வழியாக முதலீடு செய்ய KYC கட்டாயம் என செபி தெரிவித்துள்ளது.

முதலீட்டாளர்களுக்கு பாதுகாப்பை உறுதி செய்வதற்காகவும், மோசடிகளை தடுப்பதற்காகவுமே இ-வாலட் வழி மியூச்சுவல் ஃபண்ட் முதலீடுகளுக்கு KYC கட்டாயம் என செபி தெரிவித்துள்ளது.

ரிசர்வ் வங்கி விதிமுறைகளின்படி KYC முடிக்க வேண்டியது அவசியமாக உள்ளது. எனவே, இதற்கு இணங்கும் வகையில் மியூச்சுவல் ஃபண்ட் நிறுவனங்கள் வாடிக்கையாளர்கள் KYC முடித்திருப்பதை உறுதி செய்யும்படி செபி உத்தரவிட்டுள்ளது.

இதன் மூலம் இ-வாலட் பரிவர்த்தனைகளில் வெளிப்படைத்தன்மை ஏற்படுவதுடன் பல்வேறு மோசடிகளுக்கான அபாயத்தையும் குறைக்க முடியும். எனவே, இன்று முதல் KYC முடிக்காத இ-வாலட்டுகளில் இருந்து மியூச்சுவல் ஃபண்ட்களில் முதலீடு செய்ய முடியாது.