ஊழியர்களுக்கு 4 லட்சம் ரூபாய் போனஸ்.. பணத்தை கொட்டி பாராட்டிய கசினோ!

அமெரிக்காவின் லாஸ் வேகஸ் நகரம் கசினோக்களுக்கும், கொண்டாட்டங்களுக்கும் பிரசித்தி பெற்றதாகும். இந்நிலையில், லாஸ் வேகஸில் இயங்கி வரும் ஒரு கசினோ தனது ஊழியர்களுக்கு தலா 3.86 லட்சம் ரூபாய் போனஸ் வழங்குவதாக அறிவித்துள்ளது.

லாஸ் வேகஸ் நகரில் இயங்கி வரும் ‘தி காஸ்மோபாலிட்டன்’ கசினோவில் சுமார் 5400 ஊழியர்கள் வேலை செய்து வருகின்றனர். இந்நிலையில், ஊழியர்களின் கடின உழைப்பை பாராட்டும் வகையில் ஊழியர்களுக்கு தலா 5000 டாலர் போனஸ் வழங்கி சர்பிரைஸ் கொடுத்துள்ளது காஸ்மோபாலிட்டன் கசினோ

5000 டாலர் என்பது இந்திய மதிப்பில் சுமார் 3.86 லட்சம் ரூபாய். 5400 ஊழியர்களுக்கு தலா 5000 டாலர் போனஸ் வழங்குவதற்காக 27 மில்லியன் டாலர் செலவிட்டுள்ளது காஸ்மோபாலிட்டன் கசினோ. 27 மில்லியன் டாலர் என்பது இந்திய மதிப்பில் 208 கோடி ரூபாயாகும்.

ட்விட்டரை வாங்கவில்லை.. டீலில் கைவைத்த எலான் மஸ்க்
ஊழியர்கள் அனைவருக்கும் போனஸ் வழங்கப்படும் என காஸ்மோபாலிட்டன் தலைமை அதிகாரி பில் மெக்பெத் அறிவித்தபோது ஊழியர்கள் அனைவரும் மகிழ்ச்சியிலும் அதிர்ச்சியிலும் ஆனந்தமாக கரகோஷம் எழுப்பினர். சிலர் ஆனந்தக் கண்ணீரும் சிந்தினர்.

ஊழியர்கள் கடுமையாக உழைத்துள்ளதாகவும், ஒவ்வொரு நாளும் மாற்றத்திற்கு காரணமாக இருந்ததாகவும் காஸ்மோபாலிட்டன் கசினோ அதிகாரி டேனியர் எஸ்பினோ பாராட்டினார்.