கடந்த மே மாதம், ரேஷன் கார்டுடன் ஆதார் கார்டை இணைப்பதற்கான கடைசி தேதியை மத்திய அரசு செப்டம்பர் 30ஆம் தேதிக்கு நீட்டித்து அறிவித்தது. ரேஷன் கடைகளில் மானிய விலையில் உணவுப் பொருட்களை வாங்க ரேஷன் கார்டும், ஆதார் கார்டும் மிக முக்கிய ஆவணங்களாக இருக்கின்றன.

அரசின் சமூக நலத் திட்டங்களின் முழு பயன்களையும் அனுபவிக்க ஆதார் கார்டை, ரேஷன் கார்டுடன் இணைக்க வேண்டியது கட்டாயம் என அறிவிக்கப்பட்டுள்ளது.

ஒரு ரூபாய் போதும் - வண்டிக்கு நீங்க ஓனர்!

ஆதார் கார்டு, ரேஷன் கார்டை நேரடியாகவும், ஆன்லைனிலும் இணைத்துக்கொள்ளலாம். இதற்கு தேவையான ஆவணங்கள், ரேஷன் கார்டு, குடும்ப உறுப்பினர்களின் ஆதார் கார்டு நகல், குடும்பத் தலைவரின் பாஸ்போர்ட் சைஸ் போட்டோ.

இந்த இணைப்பின்போது, ஆதார் கார்டுடன் ஏற்கெனவே வங்கிக் கணக்கு இணைக்கப்படாமல் இருந்தால், வங்கி பாஸ் புக் நகலும் வழங்க வேண்டும். நேரடியாக ஆதார்-ரேஷன் கார்டுகளை இணைக்க அருகிலுள்ள ரேஷன் கடையில் ஆதார், ரேஷன் கார்டு நகல்களை கொடுத்தால் போதும்.

இந்த இணைப்பின்போது கைரேகை சரிபார்ப்பு மேற்கொள்ளப்படும். அதன்பின் ஆதாருடன் ரேஷன் கார்டு இணைக்கப்பட்டுவிடும். ஆன்லைன் இணைப்புக்கு, ஆதார் இணையதளத்தில் ஈசியாக இரு கார்டுகளையும் இணைத்துவிடலாம்.