நூற்றுக்கணக்கான ஊழியர்களை வீட்டுக்கு அனுப்பும் ஃப்ளிப்கார்ட்!

பெங்களூரு: ஃப்ளிப்கார்ட் நிறுவனம் நூற்றுக்கணக்கான ஊழியர்களை வீட்டுக்கு அனுப்ப திட்டமிட்டதாக கூறப்படுகிறது.

புகழ்பெற்ற இணைய வர்த்தக நிறுவனமான ஃப்ளிப்கார்ட் நிறுவனம் 700 முதல் 1000 ஊழியர்களை பணியிலிருந்து நீக்கவுள்ளதாக கூறப்படுகிறது. போதிய திறமையற்றவர்களாக அடையாளம் காணப்பட்டுள்ள ஊழியர்கள் மீது இந்த நடவடிக்கை எடுக்கப்படவுள்ளதாக தகவல் வெளியாகியுள்ளது.

இருப்பினும் 30 ஆயிரம் ஊழியர்களைக் கொண்ட ஃப்ளிப்கார்ட் நிறுவனத்தில் வேலையிழக்க உள்ளதாக்கக் கூறப்படுபவர்கள் 2.3 சதவீதம் முதல் 3.3 சதவீத்தினர் மட்டுமே. ஆனால், கடந்த 2013ஆம ஆண்டிலும் இந்த நிறுவனத்தின் 250 ஊழியர்கள் வேலை இழந்துள்ளனர் என்பது குறிப்பிடத்தக்கது,

இந்நிலையில், ஃப்ளிப்கார்ட் நிறுவனத்தின் போட்டி நிறுவனமான ஸ்னாப்டீல் நிறுவனமும் சுமார் 200 பேரை வேலையிலிருந்து நீக்கவுள்ளதாக கூறப்படுகிறது.