மியூச்சுவல் ஃபண்ட்களை போல பங்குகளில் எக்விட்டி சேமிப்பு திட்டங்கள் முதலீடு செய்கின்றன. இத்திட்டங்கள் மூன்று ஆண்டு லாக் இன் காலத்துடன் வருகின்றன. அதாவது இதில் பணத்தை போட்டால் 3 ஆண்டுகளுக்கு எடுக்க முடியாது. மேலும், வருமான வரி சலுகைகள் உள்ளிட்ட பல்வேறு பலன்களும் கிடைக்கின்றன. எக்விட்டி சேமிப்பு திட்டங்களின் சிறப்பு அம்சங்களை பற்றி பார்க்கலாம்.
லாக் இன்
நீங்கள் போட்ட பணத்தை மூன்று ஆண்டுகளுக்கு எடுக்க முடியாது. இது பலரும் ஒரு பாதகமாக பார்த்தாலும், உங்கள் பணம் நீண்டகால அடிப்படையில் முதலீடு செய்யப்படுவதால் ஒட்டுமொத்தமாக லாபம்தான் கிடைக்கும்.
பங்குச் சந்தை முதலீடு
பங்குச் சந்தையை பற்றி அறியாதவர்கள், பங்குச் சந்தை வாயிலாக லாபம் பெற வேண்டுமெனில், ஆரம்கபட்டமாக எக்விட்டி சேமிப்பு திட்டங்களில் முதலீடு செய்யலாம்.
வரி சலுகை
எக்விட்டி சேமிப்பு திட்டங்களில் கிடைக்கும் லாபத்திற்கு குறிப்பிட்ட அளவு வரை வரி விலக்கு உண்டு. அதாவது, ஒரு ஆண்டுக்கு 1 லட்சம் ரூபாய் வரை லாபம் பெற்றால் அதற்கு வரி விலக்கு உண்டு. ஆனால், ஒரு ஆண்டுக்கு மேல் போனால் 10% வரி விதிக்கப்படும்.
எஸ்ஐபி
எக்விட்டி சேமிப்பு திட்டங்களில் எஸ்ஐபி (SIP) முறையிலும் முதலீடு செய்யலாம். ஆக, மாதம் தோறும் 500 ரூபாய் முதல் சிறு சிறு தொகையாக முதலீடு செய்து வந்தால் நீண்டகால அடிப்படையில் நல்ல வருமானம் கிடைக்கும்.