LIC வாடிக்கையாளர்களுக்கு பெரும் அதிர்ச்சி.. வீட்டுக் கடன் வட்டி உயர்வு!

எல்ஐசி ஹவுசிங் பைனான்ஸ் (LIC Housing Finance) நிறுவனம் வீட்டுக் கடன்களுக்கான வட்டி விகிதத்தை இன்று உயர்த்தியுள்ளது. இதன்படி, வீட்டுக் கடன்களுக்கான வட்டி விகிதத்தை 6.7 விழுக்காட்டில் இருந்து 6.9 விழுக்காடாக உயர்த்தியுள்ளது எல்ஐசி ஹவுசிங் பைனான்ஸ்.

700க்கு மேல் சிபில் ஸ்கோர் (CIBIL Score) உள்ள வாடிக்கையாளர்களுக்கு வீட்டுக் கடன் வட்டி விகிதம் 0.20% உயர்த்தப்பட்டுள்ளதாக எல்ஐசி ஹவுசிங் பைனான்ஸ் வெளியிட்டுள்ள அறிக்கையில் தெரிவித்துள்ளது. புதிய வட்டி விகிதம் இன்று (மே 13) முதல் அமல்படுத்தப்பட்டுள்ளது.

சிபில் ஸ்கோர் 700க்கு குறைவாக இருப்பவர்களுக்கு அதிகபட்சமாக 0.25% வரை வட்டி உயர்த்தப்படும். இதுவரை கடனே வாங்காத வாடிக்கையாளர்களுக்கு 0.40% வட்டி உயர்த்தப்படும் என எல்ஐசி ஹவுசிங் பைனான்ஸ் நிறுவனம் தெரிவித்துள்ளது.

விரைவில் வட்டி உயர்வு.. இஎம்ஐ செலுத்துவோருக்கு நெருக்கடி.. பொதுத்துறை வங்கி முடிவு!
பணவீக்கம் கடுமையாக உயர்ந்து வரும் நிலையில் கடந்த வாரம் ரிசர்வ் வங்கி அவசர ஆலோசனை நடத்தியது. அப்போது ரெப்போ வட்டி விகிதத்தை 4.40% ஆக உயர்த்தியுள்ளதாக ரிசர்வ் வங்கி அறிவித்தது. இதையடுத்து பல்வேறு வங்கிகளும், நிதி நிறுவனங்களும் கடன்களுக்கான வட்டி விகிதத்தை உயர்த்தி வருகின்றன.

ஏற்கெனவே எச்டிஎஃப்சி, எச்டிஎஃப்சி வங்கி, கனரா வங்கி, பேங்க் ஆஃப் பரோடா உள்ளிட்ட பல்வேறு வங்கிகள் கடன்களுக்கான வட்டி விகிதத்தை உயர்த்தியுள்ளன. இதனால், ஏற்கெனவே EMI செலுத்தி வருவோருக்கும், புதிதாக கடன் வாங்குவோருக்கும் செலவு அதிகரிக்கும்.