எல்.ஐ.சி. ஐபிஓ!
இந்திய ஆயுள் காப்பீட்டு கழகம் (எல்ஐசி) கடந்த வாரம் பங்குச் சந்தை ஒழுங்குமுறை ஆணையமான செபியிடம் 5 சதவீத பங்குகளை ரூ.63,000 கோடிக்கு விற்பனை செய்வதற்கான ஆவணங்களை தாக்கல் செய்தது. எல்.ஐ.சி. ஐபிஓவின் சந்தா தொடர்பாக அனைத்து பாலிசிதாரர்களுக்கும் அறிவிப்பை வெளியிட்டது. வரவிருக்கும் எல்.ஐ.சி. ஐபிவில் பங்கேற்பதற்கு பாலிசிதாரர்கள் தங்களது பான் கார்டை பாலிசியில் இணைத்தால் மட்டுமே முடியும் என்று உத்தரவிடப்பட்டுள்ளது.
காலக்கெடு!
எல்.ஐ.சி. பாலிசிதாரர்கள் தங்களது பான் கார்டை எல்ஐசியுடன் இணைக்க காலக்கெடு நிர்ணயிக்கப்பட்டுள்ளது. 2022 பிப்ரவரி 28தான் கடைசி நாள். அதற்குள் பான் கார்டை இணைக்க வேண்டும்.
இணைப்பது எப்படி?
எல்.ஐ.சி. வெப்சைட்டில் www.licindia.in அல்லது https://licindia.in/Home/Online-PAN-Registration என்ற முகவரியில் சென்று பான் கார்டை இணைக்கலாம். உங்களுடைய பாலிசி எண், பான் எண், பிறந்த தேதி மற்றும் மின்னஞ்சல் ஐடி ஆகியவை தேவைப்படும். பான் கார்டு ஏற்கெனவே இணைக்கப்பட்டுள்ளதா என்று தெரிந்துகொள்வதற்கு https://linkpan.licindia.in/UIDSeedingWebApp/getPolicyPA என்ற வெப்சைட்டில் சென்று பார்க்கலாம்.