டிரைவிங் லைசன்ஸ்: இதைச் செய்யாவிட்டால் ஆபத்து!

ஒருவருடைய ஓட்டுநர் உரிமத்தை இன்னொருவர் தவறாகப் பயன்படுத்துவதாக எழுந்த புகார்களையடுத்து, நாட்டு மக்கள் அனைவரும் தங்களுடைய ஓட்டுநர் உரிமத்தை ஆதாருடன் இணைக்க மத்திய அரசு உத்தரவிட்டுள்ளது. ஆனால் இன்னும் பலர் தங்களது ஓட்டுநர் உரிமத்தை ஆதாருடன் இணைக்காமல் உள்ளனர். சிலர் இதை இணைப்பதற்கு சேவை மையங்களுக்கு அலைய வேண்டுமோ, அதிகம் செலவு செய்ய வேண்டுமோ என்று நினைக்கின்றனர். ஆன்லைன் முலமாகவே மிக எளிதாக இணைக்க முடியும்.

முதலில் போக்குவரத்துத் துறையின் அதிகாரப்பூர்வ இணையப் பக்கமான https://parivahan.gov.in. என்ற முகவரியில் சென்று 'Link Aadhaar' என்பதை கிளிக் செய்யவும்.

இதில் வரும் டிராப் டவுன் பாக்ஸில் 'Driving License' என்ற வசதியைத் தேர்ந்தெடுக்க வேண்டும்.

இங்கே உங்களுடைய டிரைவிங் லைசன்ஸ் நம்பர் கேட்கப்படும். அதைப் பதிவிடவும்.

டிரைவிங் லைன்சன்ஸ் நம்பரைப் பதிவிட்டவுடன் 'Get Details' என்பதை கிளிக் செய்து, உங்களுடைய ஆதார் நம்பரையும் மொபைல் நம்பரையும் பதிவிட்டு ’Submit’ கொடுக்க வேண்டும்.

பின்னர் வரும் ஓடிபி நம்பரை வைத்து ஆதாருடன் வெரிஃபை செய்ய வேண்டும்.

இப்போது உங்களது டிரைவிங் லைசன்ஸ் ஆதாருடன் இணைக்கப்பட்டுவிடும்.

நீங்கள் உங்களுடைய ஆதாரை டிரைவிங் லைன்சஸுடன் இணைக்காவிட்டால் ஆன்லைன் மூலமாக டிரைவிங் லைன்சன்ஸைப் புதுப்பிப்பது, அதில் முகவரியை மாற்றுவது போன்ற வசதிகளைப் பெறமுடியாது.