Bank Holidays: பிப்ரவரி மாதம் எத்தனை நாள் விடுமுறை?

மக்களுடைய பணத் தேவையைப் பூர்த்தி செய்யும் முக்கிய இடமாக வங்கிகள் உள்ளன. வங்கிகளில் சேமித்து வைத்துள்ள பணத்தை எடுக்கவும், கடன் வாங்கவும் மற்ற பணப் பரிவர்த்தனைகளுக்கும் வங்கிகள் நம் வாழ்வில் முக்கியப் பங்கு வகிக்கின்றன. பணப் பரிவர்த்தனைகளை முன்கூட்டியே திட்டமிட்டு அதன்படிச் செயல்பட்டால் தேவையற்ற அலைச்சலையும் நேர விரயத்தையும் நாம் தவிர்க்கலாம். எனவே வங்கிகளின் வேலை நாட்கள், விடுமுறை தினம் ஆகியவற்றை முன்கூட்டியே தெரிந்துகொள்வது நல்லது.

ஜனவரி முடிந்து நாளை பிப்ரவரி மாதம் தொடங்குகிறது. நாளை (பிப்ரவரி 1) வங்கி ஊழியர்கள் போராட்டத்தை முன்னிட்டு பொதுத் துறை வங்கிகள் உட்பட பல்வேறு வங்கிகள் இயங்காது. நாளை மறுநாள் பிப்ரவரி 2ஆம் தேதி ஞாயிற்றுக் கிழமை வழக்கம்போல வங்கிகள் செயல்படாது.

தங்கம் விலை: இன்னைக்கு விலை கூடிருக்கா குறைஞ்சிருக்கா?

பிப்ரவரி 8ஆம் தேதி இரண்டாவது சனிக்கிழமை வங்கிகளுக்கு விடுமுறை அளிக்கப்படும். பிப்ரவரி 20ஆம் தேதி மிசோரம் மாநில தினத்தை முன்னிட்டு மிசோரத்திலும், அருணாசலப் பிரதேச மாநில தினத்தை முன்னிட்டு அருணாசலப் பிரதேசத்திலும் வங்கிகள் இயங்காது.

பிப்ரவரி 21ஆம் தேதி மகா சிவராத்திரி பண்டிகையை முன்னிட்டு நாட்டின் பல்வேறு இடங்களில் வங்கிகள் இயங்காது. பிப்ரவரி 22ஆம் தேதி நான்காவது சனிக்கிழமை வருவதால் அன்றைய தினத்தில் வங்கிகளுக்கு விடுமுறை அறிவிக்கப்பட்டுள்ளது.

பட்ஜெட் 2020 லைவ் அப்டேட்ஸ்... தாக்கல் செய்யப்பட்டது பொருளாதார ஆய்வறிக்கை 2020

ஆண்டின் மற்ற மாதங்களை விடக் குறைவான நாட்கள் எண்ணிக்கையைக் கொண்ட பிப்ரவரி மாதத்தில், விடுமுறை தினங்களும் குறைவாகவே இருக்கின்றன. விடுமுறை நாட்கள் குறைவாக இருப்பதால் பொதுமக்களுக்கான வங்கிச் சேவைகள் எதுவும் பாதிக்கப்படாது.