ரேஷன் அட்டைதாரர்களுக்கு இப்படியொரு வசதி! இருக்கும் இடத்திலேயே எல்லாம் கிடைக்கும்!

மத்திய அரசின் ’ஒரே நாடு ஒரே ரேஷன் அட்டை’ திட்டத்தின் கீழ் செயல்படுத்தப்பட்டு வரும் ’மேரா ரேஷன்’ மொபைல் ஆப் குறித்த முக்கியமான அம்சங்கள் இதோ...

நாடு முழுவதும் உள்ள புலம்பெயர் தொழிலாளர்கள் தங்களது அத்தியாவசியமான உணவுத் தேவைகளை பூர்த்தி செய்வதற்காக உருவாக்கப்பட்ட திட்டம்தான் ஒரு நாடு ஒரே ரேஷன் அட்டை திட்டம். மத்திய அரசு அறிமுகப்படுத்திய இந்தத் திட்டத்தின் கீழ், தங்களது சொந்த ஊர்களை விட்டு புதிய இடத்திற்கு இடம்பெயர்ந்து செல்லும் மக்கள் பயன்பெற முடியும். மத்திய அரசின் இந்த திட்டத்தின் மூலம் ரேஷன் சேவைகளை ரேஷன் கார்டுதாரர்கள் தங்கள் வசதிக்கேற்ப ஒரே ரேஷன் கார்டை பயன்படுத்தி பெற்றுக்கொள்ள முடியும்.

இந்த சேவையைப் பெறுவதற்கான மொபைல் ஆப்பும் உருவாக்கப்பட்டுள்ளது. இந்த ஆப் கூகுள் பிளே ஸ்டோரில் கிடைக்கிறது. பொதுவாக ரேஷன் கார்டு வைத்திருப்பவர்கள் PDS எனப்படும் பொது விநியோக முறை மூலம் உணவு தானியங்களைப் பெறுகிறார்கள். ஆனால் அவர்கள் வெவ்வேறு மாநிலங்களுக்கு செல்லும்போது, இந்த PDS நன்மைகளை பெறுவதில் சிக்கல் இருந்தது. ஆனால் இப்போது மேரா ரேஷன் மொபைல் ஆப் மூலம் இந்த பிரச்சனை தீர்க்கப்பட்டுள்ளது.

Google Play Store தளத்தில் சென்று mera ration என சர்ச் செய்தால் இந்த மொபைல் ஆப்பை நீங்கள் டவுன்லோடு செய்துகொள்ளலாம். ரேஷன் கார்டு எண்ணை இதில் பதிவிட்டு லொக்கேசன் வசதியை ஆன் செய்துகொள்ள வேண்டும். இதன் மூலம் பயனாளர்கள் தங்களுக்கு அருகில் அமைந்துள்ள ரேஷன் கடைகளை பற்றி தெரிந்து கொள்ளலாம். ஒரே நாடு ஒரே ரேஷன் கார்டு வசதி உள்ள மாநிலங்களையும் பயனர்கள் இதன் மூலம் சரிபார்க்கலாம்.

ரயில் பயணிகளுக்கு சூப்பர் வசதி.. இந்திய ரயில்வே அசத்தல்!
ரேஷன் கார்டு எண்ணை பதிவிடுவதன் மூலம் பரிவர்த்தனை விவரங்களையும் நீங்கள் தெரிந்துகொள்ளலாம். ஆதார் எண் அல்லது ரேஷன் கார்டு எண்ணை பயன்படுத்தி கார்டுதாரரின் தகுதியை சரிபார்க்கலாம். பயனாளிகளுக்கு வழங்கப்படும் சேவைகளை மதிப்பிடவும் கருத்து தெரிவிக்கவும் இந்த ஆப்பில் வசதி உள்ளது. இதுபோன்ற நிறைய வசதிகள் இந்த ஆப்பில் உள்ளன.