LPG Cylinder Price: ஒரு ஆண்டில் கேஸ் சிலிண்டர் விலை எவ்வளவு உயர்ந்துள்ளது தெரியுமா?

வீடுகளில் பயன்படுத்தப்படும் கேஸ் சிலிண்டர் விலை இன்று 50 ரூபாய் உயர்த்தப்பட்டுள்ளது. இதையடுத்து இன்று முதல் சென்னையில் ஒரு சிலிண்டர் 1068.50 ரூபாய்க்கு விற்பனை செய்யப்படுகிறது.

டெல்லியில் 1053 ரூபாய், மும்பையில் 1052.50 ரூபாய், கொல்கத்தாவில் 1079 ரூபாய்க்கு வீட்டு உபயோக சிலிண்டர் விற்பனை செய்யப்படுகிறது. கடந்த மே மாதம் முதல் இன்றுடன் மூன்று முறை சிலிண்டர் விலை உயர்த்தப்பட்டுள்ளது.

உஜ்வாலா திட்டத்தின் சிலிண்டர் வாங்கிய ஏழை மக்களுக்கு மட்டுமே மத்திய அரசு மானியம் வழங்கி வருகிறது. எனவே பெரும்பாலான குடும்பங்களும், மிடில் கிளாஸ் மக்களும் முழு கட்டணம் செலுத்தி சிலிண்டர் வாங்கி வருகின்றனர்.

கச்சா எண்ணெய் விலை கடகட சரிவு.. பெட்ரோல் ரேட் குறையுமா?
இந்த ஆண்டில் மட்டும் இதுவரை நான்கு முறை சிலிண்டர் விலை உயத்தப்பட்டுள்ளது. சரி கடந்த ஒரு ஆண்டில் சிலிண்டர் விலை எவ்வளவு உயர்ந்துள்ளது?

2021ஆம் ஆண்டு ஜூன் மாதம் முதல் இப்போது வரை வீட்டு உபயோக சிலிண்டர் விலை சரியாக 244 ரூபாய் உயர்த்தப்பட்டுள்ளது. இதில், கடந்த மார்ச் மாதத்துக்கு பிறகு மட்டும் சிலிண்டர் விலை 153.50 ரூபாய் உயர்த்தப்பட்டுள்ளது.

எனினும், பெட்ரோல், டீசல் விலை சில வாரங்களாக மாற்றப்படாமலேயே இருக்கிறது. இதற்கிடையே பணவீக்கத்தை குறைக்கும் நோக்கில் பெட்ரோல், டீசல் மீதான கலால் வரியை மத்திய அரசு குறைத்தது. எனினும் பெட்ரோல் விலை இன்னும் 100 ரூபாய்க்கு மேல் நீடித்து வருகிறது.