LGP price: சமையல் சிலிண்டர் என்ன விலையில் கிடைக்குது?

சர்வதேச விலை நிலவரங்களுக்கு ஏற்ப இந்தியாவில் சமையல் எரிவாயு விலை ஒவ்வொரு மாதமும் முதல் நாளில் நிர்ணயம் செய்யப்படுகிறது. அந்த வகையில் மாதத்தின் முதல் நாளான இன்று பொதுத் துறை எண்ணெய் நிறுவனங்கள் சமையல் சிலிண்டர் விலையை நிர்ணயம் செய்துள்ளன. கொரோனா பாதிப்பைக் கருத்தில் கொண்டு இன்று விலையில் எந்த மாற்றமும் செய்யவில்லை. 14.2 கிலோ எடை கொண்ட சமையல் சிலிண்டர் விலை இன்று டெல்லியில் சென்ற மாத விலையான 594 ரூபாயிலேயே விற்பனை செய்யப்படுகிறது. சென்ற மாதமும் சிலிண்டர் விலை மாற்றம் செய்யப்படவில்லை.

ஊரடங்கு அமலில் இருந்ததால் மக்களுக்கு உதவும் வகையில் சமையல் சிலிண்டர் விலை முந்தைய இரண்டு மாதங்களில் உயர்த்தப்படாமல் இருந்தது. ஜூலை மாதத்தில் ஊரடங்கு பல்வேறு இடங்களில் தளர்த்தப்பட்டு இயல்பு நிலை திரும்பியதால் சிலிண்டர் விலை உயர்த்தப்பட்டது. எனினும் அதற்கடுத்த இரண்டு மாதங்களில் விலையில் எவ்வித மாற்றமும் செய்யப்படாமல் கிட்டத்தட்ட ஆகஸ்ட் மாத விலையே நீடிக்கிறது.

காய்கறி விலை: சென்னையில் இன்று விலை நிலவரம்!

சென்னையில் சிலிண்டர் விலை ரூ.610 ஆக உள்ளது. கொல்கத்தாவில் ரூ.620.50 ஆகவும், மும்பையில் ரூ.594 ஆகவும் இருக்கிறது. 19 கிலோ எடை கொண்ட வர்த்தக பயன்பாட்டுக்கான சிலிண்டர் விலை சென்னையில் ரூ.1,253 ஆகவும், டெல்லியில் ரூ.1,136.17 ஆகவும், கொல்கத்தாவில் ரூ.1,198.66 ஆகவும், மும்பையில் ரூ.1,091.95 ஆகவும் உள்ளதாக பொதுத் துறை எண்ணெய் நிறுவனங்கள் தெரிவித்துள்ளன.