சிலிண்டர் விலை கடும் உயர்வு: பொதுமக்கள் ஷாக்!

ஒவ்வொரு மாதமும் முதல் நாளில் சமையல் எரிவாயு சிலிண்டர் விலை மாற்றியமைக்கப்படுவது வழக்கம். அந்த வகையில் நவம்பர் மாதத்தின் முதல் நாளான இன்று சமையல் சிலிண்டர் விலையைப் பொதுத் துறை எண்ணெய் நிறுவனங்கள் மாற்றியமைத்துள்ளன.

அதிர்ச்சி தரும் விதமாக, சிலிண்டர் விலை இன்று 266 ரூபாய் உயர்த்தப்பட்டுள்ளது. புதிய விலை நிலவரப்படி, டெல்லியில் 19 கிலோ எடை கொண்ட வர்த்தகப் பயன்பாட்டுக்கான சமையல் எரிவாயு விலை 2000.50 ரூபாயாக உயர்ந்துள்ளது. இதற்கு முன்னர் அங்கு சிலிண்டர் விலை ரூ.1,733.50 ஆக இருந்தது.

நவம்பர் முதல் எல்லாம் மாறப் போகுது... புதிய விதிமுறைகள் அமல்!!

விலை மாற்றத்துக்குப் பிறகு இப்போது, சென்னையில் சிலிண்டர் விலை ரூ.2,133 ஆக உள்ளது. அதேபோல, மும்பையில் 1950 ரூபாய்க்கும், கொல்கத்தாவில் 2073.50 ரூபாய்க்கும் சிலிண்டர் விற்பனை செய்யப்படுகிறது. 19 கிலோ எடை கொண்ட சிலிண்டர் விலை உயர்த்தப்பட்டிருந்தாலும், வீட்டில் பயன்படுத்தப்படும் 14.2 கிலோ எடை கொண்ட சமையல் சிலிண்டர் விலை எவ்வித மாற்றமும் செய்யப்படவில்லை.

சென்னை: சிக்கன் - மட்டன் - மீன் விலை!
சென்னையில் வீட்டு உபயோகத்துக்கான சமையல் சிலிண்டர் விலை ரூ.915.50 ஆக உள்ளது. அக்டோபர் மாதத்தில்தான் இதன் விலை உயர்த்தப்பட்டிருந்தது. அதற்கு முன்னர் செப்டம்பர் மாதத்தில் ரூ.900.50 ஆகவும், ஆகஸ்ட் மாதத்தில் ரூ.875.50 ஆகவும், ஜூலை மாதத்தில் ரூ.850.50 ஆகவும், ஜூன் மாதத்தில் ரூ.825 ஆகவும் இருந்தது. 2020 டிசம்பர் மாதத்தில் சிலிண்டர் விலை 710 ரூபாயாக மட்டுமே இருந்தது என்பது குறிப்பிடத்தக்கது.