Petrol Price: பெட்ரோல் விலை குறைப்பு.. முதல்வர் கொடுத்த மெகா சர்பிரைஸ்!

மகாராஷ்டிராவில் பெட்ரோல், டீசல் மீதான வாட் வரி (VAT Tax) குறைக்கப்படும் என அம்மாநில முதல்வர் ஏக்நாத் ஷிண்டே அறிவித்துள்ளார். இதனால் விரைவில் பெட்ரோல், டீசல் விலை குறையும் என வாகன ஓட்டிகள் எதிர்பார்க்கின்றனர்.

மகாராஷ்டிர மாநிலத்தில் சிவசேனா - காங்கிரஸ் - தேசியவாத காங்கிரஸ் கூட்டணிக்கு எதிராக போர்க்கொடி தூக்கிய எம்.எல்.ஏக்களால் அம்மாநில முதல்வராக இருந்த உத்தவ் தாக்கரே பெரும்பான்மையை நிரூபிக்கும்படி ஆளுநர் உத்தரவிட்டார். இதற்கு உச்ச நீதிமன்றமும் பச்சைக் கொடி காட்டியது.

இதையடுத்து உத்தவ் தாக்கரே தனது பதவியை ராஜினாமா செய்தார். பின்னர், போர்க்கொடி தூக்கிய எம்.எல்.ஏ ஏக்நாத் ஷிண்டே பாஜக ஆதரவுடன் முதல்வராக பதவியேற்றார். இன்று நடைபெற்ற நம்பிக்கை வாக்கெடுப்பில் ஏக்நாத் ஷிண்டே வெற்றியும் பெற்றுவிட்டார்.

Miyazaki Mango: உலகிலேயே காஸ்ட்லியான மாம்பழம்.. திருடர்கள் தொல்லையால் செக்யூரிட்டி போட்ட விவசாயி!
மொத்தம் 288 உறுப்பினர்களை கொண்ட மகாராஷ்டிரா சட்டமன்றத்தில் எம்.எல்.ஏ ஒருவர் இறந்துவிட்டதால் தற்போது எண்ணிக்கை 287ஆக உள்ளது. இதில் பெரும்பான்மையை நிரூபிக்க 144 வாக்குகள் தேவைப்பட்ட நிலையில் 164 வாக்குகளுடன் ஏக்நாத் ஷிண்டே வெற்றிபெற்றார்.

மேலும் பெட்ரோல், டீசல் மீதான வாட் வரி குறைக்கப்படும் என சட்டமன்றத்திலேயே முதல்வர் ஏக்நாத் ஷிண்டே அறிவித்துள்ளார். அடுத்த கேபினட் கூட்டத்தில் வாட் வரி குறைக்கப்படும் என அவர் தெரிவித்துள்ளார். இதனால் பெட்ரோல், டீசல் விலை குறையும் என வாகன ஓட்டிகள் மத்தியில் பெரும் எதிர்பார்ப்பு எழுந்துள்ளது.