முதல் இடத்தை மகிந்திரா& மகிந்திரா நிறுவனம்.. கார் விற்பனை படுஜோர்!!

கார் விற்பனையில் மகிந்திரா&மகிந்திரா நிறுவனம் கடந்த ஒராண்டில் 129% உயர்ந்து முதல் இடத்தைப் பிடித்துள்ளது. அதுவும் சாதாரண ரகங்களில் இல்லாமல் அதன் எஸ்யூவி கார் விற்பனையில் இச்சாதனையை மகிந்திரா நிறுவனம் படைத்துள்ளது.

மகிந்திரா & மகிந்திரா இதுவரை இல்லாத அளவுக்கு , மார்ச் மாதத்தில் அதிக அளவிலான வாகனங்களை விற்பனை செய்துள்ளதாகவும், 129% வளர்ச்சியை எட்டியுள்ளதாகவும் தெரிவித்துள்ளது. இந்நிறுவனம் செப்டம்பர் மாதத்தில் மட்டும் 64,486 வாகனங்களை விற்பனை செய்துள்ளதாக கூறியுள்ளது.

இந்த விற்பனையானது இதுவரை இல்லாத அதிகபட்ச மாதாந்திர விற்பனையாகும் என்றும் நிறுவனம் தாக்கல் செய்த அறிக்கையில் கூறப்பட்டுள்ளது. மேலும் நடப்பு நிதியாண்டின் இரண்டாவது காலாண்டில் 179,683 கார்களை விற்பனை செய்துள்ளது. இந்த விற்பனையானது கடந்த ஆண்டை விட 77% அதிகமாகும்.

சென்ற நிதியாண்டில் செப்டம்பர் 2021 இலிருந்து நடப்பு நிதியாண்டு வரை மகிந்திரா நிறுவனம் 34,262 (166% வளர்ச்சி) என்ற எண்ணிக்கையிலான அதிகபட்ச விற்பனையுடன் எஸ்யூவி கார்களை விற்பனை செய்து நம்பர் 1 இடத்தைப் பிடித்துள்ளதாக ஆட்டோ நிறுவனம் கூறியுள்ளது. இது கடந்த ஆண்டு செப்டம்பரில் இருந்து 170 சதவீத வளர்ச்சியாகும்.