யுனிவர்சல் அக்கண்ட் நம்பர்!
பிஎஃப் கணக்கு வைத்திருக்கும் அனைவருக்குமே ஒரு தனிப்பட்ட எண் வழங்கப்பட்டிருக்கும். அதுதான் யுனிவர்சல் அக்கவுண்ட் நம்பர் (UAN). இது 12 இலக்கங்களைக் கொண்டது. இந்த நம்பரை முதலில் ஆக்டிவேட் செய்ய வேண்டும். இதை பிஎஃப் வெப்சைட்டில் (e-SEWA) ஆன்லைன் மூலமாக நீங்களே ஆக்டிவேட் செய்யலாம். ஆதார் ஓடிபி சரிபார்ப்பு மூலமாக இந்த வேலையை முடிக்கலாம். உமாங் மொபைல் ஆப் மூலமாகவும் நீங்கள் ஆக்டிவேட் செய்ய முடியும்.
ஆதாருடன் இணைப்பு!
அடுத்ததாக உங்களுடைய பிஎஃப் நம்பரை ஆதாருடன் இணைத்திருக்க வேண்டும். ஆதார் நம்பரை இதுபோன்ற விஷயங்களில் இணைப்பதை மத்திய அரசு கட்டாயமாக்கியுள்ளது. நிதி மோசடி போன்ற விஷயங்களைத் தடுப்பதற்காக ஆதார் கார்டு நிதி தொடர்பான விஷயங்கள் அனைத்துக்கும் கட்டாமாக்கப்பட்டு வருகிறது. பிஎஃப் நம்பருடன் ஆதாரை இணைப்பதற்கும் நீங்கள் e-SEWA வெப்சைட்டில் செல்லலாம்.
கேஒய்சி சரிபார்ப்பு!
வாடிக்கையாளரைத் தெரிந்துகொள்ளுதல் (KYC) நடைமுறை வங்கி, பணம் தொடர்பான விஷயங்களில் கட்டாயமாக உள்ளது. இது ஒருமுறை சரிபார்ப்பு நடைமுறையாகும். இதற்கு ஆதார், பான் கார்டு கட்டாயமாகும். வாடிக்கையாளரை நிறுவனம் தெரிந்துகொள்ளும் ஒரு நடைமுறையாகும். பிஎஃப் பணத்தை எந்த வங்கிக் கணக்கில் டெபாசிட் செய்வது போன்ற விவரங்கள் இதில் அடங்கும். நீங்கள் கேஒய்சி சரிபார்ப்பை முடித்ததும் அதற்கு நிறுவனம் தரப்பில் ஒப்புதல் வழங்கப்பட வேண்டும். கேஒய்சி முடிக்கப்பட்டுவிட்டால் ’verified' என்ற ஸ்ட்டேட்டஸ் அப்டேட் ஆகும்.
இ-நாமினேஷன்!
பிஎஃப் கணக்கு வைத்திருக்கும் அனைவரும் தங்களது கணக்கில் ஒரு நாமினியை கட்டாயம் தேர்ந்தெடுக்க வேண்டும். அந்த நாமினி பிஎஃப் கணக்குதாரரின் குடும்ப உறுப்பினராக இருக்கலாம். நாமினியின் பெயர், பிறந்த தேதி, பாலினம், உறவு முறை, முகவரி, ஆதார், வங்கிக் கணக்கு விவரம், புகைப்படம் போன்ற விவரங்கள் வழங்கப்பட வேண்டும். இந்த ஆவணங்களை ஆன்லைனில் சமர்ப்பித்தாலே போதுமானது.