ஐநாவின் நிலையான வளர்ச்சிக்கான முதல் இளம் பிசினஸ் சாம்பியனாக மானசி கிர்லோஸ்கர் தேர்வு!!

கிர்லோஸ்கர் சிஸ்டத்தின் நிர்வாக இயக்குநரான மானசி கிர்லோஸ்கர், நிலையான வளர்ச்சி இலக்குகளுக்கான இந்தியாவின் முதல் இளம் பிசினஸ் சாம்பியனாக ஐநா தேர்வு செய்துள்ளது.

கிர்லோஸ்கர் சிஸ்டத்தின் நிர்வாக இயக்குநராகவும், அதன் முதன்மை செயல் தலைவராகவும் இருப்பவர் மானசி கிர்லோஸ்கர். சர்வதேச நாடுகளின் சபையான ஐ.நா, இந்தியாவுக்கான நிலையான வளர்ச்சி இலக்குகள் எனப்படும் எஸ்டிஜிஎஸ் (Sustainable Development Goals) இன் முதல் இளம் பிசினஸ் சாம்பியானாக இவரைத் தேர்வுசெய்துள்ளது.

இதன்மூலம், இவர் வணிக நிறுவனங்கள் நிலையான வளர்ச்சிக்கு உதவும் வகையில் செயல்படுவதைக் கண்காணிப்பர் என தெரிவிக்கப்பட்டுள்ளது. அதுமட்டுமில்லாமல், பருவநிலை மாற்றம், பிளாஸ்டிக் மற்றும் குப்பைகளை சுத்திகரித்தல், பெண்ணுரிமை உள்ளிட்ட விவகாரங்களில் ஐநாவுடன் இணைத்து செயல்படுவார் எனவும், நிலையான வளர்ச்சி இலக்குகளை அடைய, மற்ற இளம் தலைமுறை தலைவர்களை ஊக்குவிப்பார் எனவும் தெரிவிக்கபப்ட்டுள்ளது.

இதுகுறித்து பேட்டியளித்த மானசி கிர்லோஸ்கர், “ஒரு கௌரவம் கிடைக்கும்போது பொறுப்பும் சமூக நம்பகத்தன்மையும் நமக்கு வந்து விடுகிறது. ஐநாவுடன் இணைந்து செயல்படும் இந்த வாய்ப்பு எனக்கு வழங்கப்பட்டது எனக்கு பெருமையாகவும், ஊக்கமளிப்பதாகவும் உள்ளது,” என தெரிவித்துள்ளார்.