மாருதி கார் வாங்குறது ரெம்ப கஷ்டம்! அதிரடி விலையேற்றம்!

இந்தியாவின் மிகப் பெரிய கார் தயாரிப்பு நிறுவனமான மாருதி சுஸுகி, டெல்லியைத் தலைமையிடமாகக் கொண்டு கார் தயாரிப்பில் ஈடுபட்டு வருகிறது. கடந்த ஓராண்டாகவே ஆட்டோமொபைல் துறையில் நீடிக்கும் மந்தநிலையால் மாருதி சுஸுகி நிறுவனமும் கடுமையாகப் பாதிக்கப்பட்டுள்ளது. இந்நிலையில், உற்பத்திச் செலவுகள் அதிகமாக இருப்பதால் அதன் தாக்கத்தை வாடிக்கையாளர்கள் மீது சுமத்தும் வகையில் கார்களின் உயர்த்துவதாக அறிவித்துள்ளது. ஏற்கெனவே ஜனவரி மாதத் தொடக்கத்திலேயே கார்களின் விலையை இந்நிறுவனம் உயர்த்தியிருந்த நிலையில், இரண்டாவது முறையாக விலை உயர்வு அறிவிக்கப்பட்டுள்ளதால் வாடிக்கையாளர்கள் அதிருப்தியடைந்துள்ளனர்.

தற்போது வெளியாகியுள்ள அறிவிப்பின் படி, மாருதி சுஸுகியின் அனைத்து கார்களின் விலையும் ரூ.1,500 முதல் ரூ.10,000 வரையில் உயர்த்தப்படுகிறது. மாருதி ஆல்டோ காரின் விலை ரூ.6,100 முதல் ரூ.9,300 வரையில் உயர்ந்துள்ளது. எஸ் பிரெஸ்ஸோ காரின் விலை ரூ.1,500 முதல் ரூ.8,000 வரையில் உயர்ந்திருக்கிறது. வேகன் ஆர் மாடல் கார் விலை ரூ.4,000 வரையில் உயர்த்தப்பட்டுள்ளது. ஸ்விஃப்ட் மற்றும் எக்ஸ் எல்6 எம்.வி.பி. காரின் விலையும் ரூ.5,000 வரையில் உயர்த்தப்படுவதாக அறிவிக்கப்பட்டுள்ளது.

ஹெச்.டி.எஃப்.சி. வங்கியின் லாபம் எவ்வளவு தெரியுமா?

எர்டிகா கரின் விலை ரூ.4,300 முதல் ரூ.10,000 வரையிலும், பலேஎனோ காரின் விலை ரூ.3,200 முதல் ரூ.8,000 வரையிலும் உயர்த்தப்படுவதாக மாருதி சுஸுகி நிறுவனம் தெரிவித்துள்ளது. டிசையர், ஈக்கோ, செலரியோ, சியாஸ் ஆகிய கார்களின் விலை உயர்த்தப்படவில்லை.

மனிதர்கள் வேண்டாம்... ரோபோக்கள் போதும்... ஆய்வில் அதிர்ச்சித் தகவல்!

கடந்த ஓராண்டுக்கும் மேலாகவே இந்திய ஆட்டோமொபைல் துறை கடுமையான சூழலில் இயங்கிக் கொண்டிருக்கிறது. பொருளாதார மந்தநிலையால் வாகனங்களுக்கான தேவை குறைந்து விற்பனை மந்தமாகியுள்ளது. இதனால் நிறுவனங்கள் தங்களது உற்பத்தி அளவை ஒவ்வொரு மாதமும் குறைத்து வருகின்றன. பெட்ரொல் - டீசல் விலையேற்றம், உதிரிப் பாகங்கள் இறக்குமதிச் செலவுகள் அதிகரிப்பு, வாகன எஞ்சின் மாற்ற விதிமுறைகள், எலெக்ட்ரிக் வாகன மாற்றத்துக்கான நெருக்கடி போன்ற காரணிகள் ஆட்டோமொபைல் துறையினரைக் கடுமையாகப் பாதித்துள்ளன என்பது குறிப்பிடத்தக்கது.