ஊழியர்களுக்கு டாட்டா காட்டும் மெட்டா.. பீதியில் பணியாளர்கள்!

உலகம் முழுவதும் பல்வறு நிறுவனங்கள் தங்கள் ஊழியர்களின் எண்ணிக்கையை குறைத்து வருகின்றன. இதில் சிறு, நடுத்தர நிறுவனங்கள் மட்டுமல்லாமல் மிகப்பெரிய நிறுவனங்களும் கூட தங்கள் ஊழியர்களை குறைத்துள்ளன.

அமெரிக்காவில் ஆப்பிள், நெட்ஃபிக்ஸ், நிவிடியா, டெஸ்லா என பல்வேறு பெரு நிறுவனங்கள் தங்கள் ஊழியர்ளை பணிநீக்கம் செய்துள்ளன. இந்நிலையில், மெட்டா (Meta) நிறுவனம் வரும் மாதங்களில் செலவுகளை 10% குறைக்க திட்டமிட்டுள்ளதாக தகவல் வெளியாகியுள்ளது.

இதற்காக ஊழியர்களை பணிநீக்கம் செய்வதற்கு மெட்டா முடிவு செய்துள்ளதாகவும் தகவல் வெளியாகியுள்ளது. மெட்டா நிறுவனத்தின் வளர்ச்சி தேங்கியுள்ளது. மேலும், இப்போது மெட்டாவுக்கு போட்டி நிறுவனங்களும் டஃப் கொடுப்பதால் வளர்ச்சி இல்லை.

வீட்டுக் கடன் வட்டி உயர்வு.. எல்ஐசி வாடிக்கையாளர்களுக்கு ஷாக்கிங் நியூஸ்!
மறுபுறம், உலகளவில் பொருளாதார மந்தநிலை ஏற்படும் என்ற அச்சமும் உருவாகியுள்ளது. இதை சமாளிப்பதற்காக, சைலண்டாக தனது ஊழியர்களை பணிநீக்கம் செய்ய மெட்டா திட்டமிட்டுள்ளதாக தகவல் வெளியாகியுள்ளது. சொல்லப்போனால், ஏற்கெனவே பணிநீக்கம் செய்வதை மெட்டா தொடங்கிவிட்டதாம்.

மெட்டா நிறுவனம் குறிப்பிட்ட சில துறைகளில் கணிசமான எண்ணிக்கையில் ஊழியர்களை நீக்கியுள்ளதாக தகவல் வெளியாகியுள்ளது. வரும் நாட்களில் மேலும் ஊழியர்கள் நீக்கப்படலாம் என கூறப்படுகிறது. இதனால், மெட்டா ஊழியர்கள் மத்தியில் பரபரப்பு ஏற்பட்டுள்ளது.