அமேசான் எல்லாம் தூசு; அமெரிக்க முன்னணி நிறுவனங்களில் மாஸ் காட்டும் மைக்ரோசாப்ட்!

நடப்பாண்டின் மூன்றாவது காலாண்டில் அமெரிக்காவில் உள்ள நிறுவனங்களின் சந்தை மதிப்பு வெளியாகியுள்ளது. அதன்படி மைக்ரோசாப்ட் நிறுவனம், அமேசானை பின்னுக்கு தள்ளி இரண்டாவது இடத்திற்கு முன்னேறியுள்ளது.

அமேசான் நிறுவனம் 65 பில்லியன் டாலர் ஆன்லைன் வர்த்தக மதிப்புடன் மூன்றாவது இடத்திற்கு தள்ளப்பட்டுள்ளது. ஒரு டிரில்லியன் டாலர் மதிப்புடன் ஆப்பிள் நிறுவனம் தொடர்ந்து முதலிடத்தில் நீடிக்கிறது.

கடந்த மூன்று ஆண்டுகளில் இல்லாத அளவிற்கு, தற்போது அமேசான் நிறுவனத்தின் பங்குகள் 7% அளவிற்கு சரிந்துள்ளன. இதேபோல் மைக்ரோசாப்ட் நிறுவனமும் 1.1% அளவிற்கு வீழ்ச்சி அடைந்துள்ளது.

தற்போது மைக்ரோசாப்ட் நிறுவனத்தின் பங்குச் சந்தை மதிப்பு 823 பில்லியன் டாலர் ஆகும். அமேசான் நிறுவனத்தின் பங்குச் சந்தை மதிப்பு 805 பில்லியன் டாலர் ஆகும்.