வந்தே பாரத்துக்கு டஃப் கொடுக்கும் பாரத் கௌரவ் ரயில்.. அட இவ்வளவு ஆடம்பர வசதிகளா!

சில ஆண்டுகளுக்கு முன் வந்தே பாரத் ரயில் அறிமுகப்படுத்தப்பட்டது. இந்த அதிவேக ரயில் மக்களை வெகுவாக கவர்ந்துள்ளது. அண்மையில் சென்னை - மைசூரு இடையே வந்தே பாரத் ரயில் சேவை தொடங்கிவைக்கப்பட்டது. இதைத்தொடர்ந்து தற்போது சென்னை - கோவை இடையே வந்தே பாரத் ரயில் அறிவிக்கப்பட்டுள்ளது.

இந்நிலையில், அண்மையில் இந்திய ரயில்வே பாரத் கௌரவ் ரயில் என்ற சொகுசு சுற்றுலா ரயிலை அறிமுகப்படுத்தியது. வடகிழக்கு மாநிலங்களின் அழகை கண்டுகளிப்பதற்காகவே அறிமுகப்படுத்தப்பட்ட டீலக்ஸ் சுற்றுலா ரயில்தான் பாரத் கௌரவ்.

இந்நிலையில், பாரத் கௌரவ் ரயிலின் உள்ளே இருக்கும் ஆடம்பர சொகுசு அம்சங்கள் பற்றிய வீடியோவை ரயில்வே அமைச்சகம் வெளியிட்டுள்ளது. மேலும் இந்த ரயிலில் உள்ள சொகுசு வசதிகள் பற்றியும் ரயில்வே அமைச்சகம் தெரிவித்துள்ளது.

பாரத் கௌரவ் ரயில் உள்ளே கண்ணை கவரும் இருக்கைகள், மினி நூலகம், நவீன உணவகம் என பல்வேறு ஆடம்பர வசதிகள் இருக்கின்றன. இதுபோக தூய்மையான, சொகுசான படுக்கைகளும் நம் கவனத்தை ஈர்க்கின்றன.