பொருளாதார வளர்ச்சி: இந்தியாவுக்கு கெட்ட காலம்!

2020ஆம் ஆண்டின் தொடக்கத்தில் இந்தியாவில் கொரோனா பாதிப்பு அதிகமாக இருந்ததால் நாடு தழுவிய ஊரடங்கு அமல்படுத்தப்பட்டது. இதனால் உற்பத்தி, ஏற்றுமதி - இறக்குமதி உள்ளிட்ட பொருளாதார நடவடிக்கைகள் முடங்கின. இந்தியப் பொருளாதாரமும் மிகப் பெரிய வீழ்ச்சியைச் சந்தித்தது. கொரோனாவுக்கு மருந்து கண்டுபிடிக்கப்பட்டு இயல்பு நிலை திரும்பி வந்ததால் இந்தியப் பொருளாதாரமும் வளர்ச்சிப் பாதைக்குப் பயணிக்கத் தொடங்கியது. 2020-21 நிதியாண்டின் அக்டோபர் - டிசம்பர் காலாண்டில் இந்தியப் பொருளாதாரம் 0.4 சதவீதம் வளர்ச்சி கண்டு நம்பிக்கையை ஏற்படுத்தியது.

ஆனால் 2021ஆம் ஆண்டு தொடங்கிய பின்னர் கொரோனா இரண்டாம் அலையால் மீண்டும் பொருளாதார வீழ்ச்சி ஆரம்பமானது. கொரோனா தடுப்பூசி போடும் திட்டம் மந்தமாக இருப்பதாலும் ஊரடங்கு கட்டுப்பாடுகள் நீடிப்பதாலும் இந்த ஆண்டில் இந்தியாவின் வளர்ச்சி கேள்விக்குறியாகியுள்ளது. சர்வதேச மதிப்பீட்டு நிறுவனமான மூடீஸ் இன்வெஸ்டார்ஸ் சர்வைசஸ் வெளியிட்டுள்ள அறிக்கையின்படி, 2021ஆம் ஆண்டில் இந்தியா 9.6 சதவீத வளர்ச்சியை மட்டுமே சந்திக்கும் என்று கூறியுள்ளது.

உங்க பான் கார்டு ஆதாருடன் லிங்க் ஆகியிருக்கா? செக் பண்றது ஈசி!
மூடீஸ் நிறுவனம் இதற்கு முன்னர் வெளியிட்டிருந்த அறிக்கையில், இந்தியா 2021ஆம் ஆண்டில் 13.9 சதவீத வளர்ச்சியைச் சந்திக்கும் என்று கூறியிருந்தது. ஆனால் அந்த வளர்ச்சி தற்போது சாத்தியமாவதில் சிக்கல் ஏற்பட்டுள்ளது. கொரோனா பாதிப்பால் ஏப்ரல் - ஜூன் மாதங்களில் பாதிப்பு அதிகரித்ததால் பொருளாதார வளர்ச்சி மீதான நம்பிக்கை குறைந்துள்ளது. ஆனால் அரசு தரப்பில் விரைவில் இயல்பு நிலை திரும்பிவிடும் என்று கூறப்பட்டு வருகிறது.