கேதார்நாத்தில் அம்பானி: மகளின் திருமண அழைப்பிதழுடன் வந்து வழிபாடு

தொழிலதிபர் முகேஷ் அம்பானி தனது மகளின் திருமணப் அழைப்பிதழை வைத்து வழிபடுவதற்காக குடும்பத்தினருடன் கேதார்நாத் கோயிலுக்குச் சென்றிருக்கிறார்.

ரிலையன்ஸ் குழும தலைவர் முகேஷ் அம்பானி. இவரது மகள் இஷா அம்பானி பிராமல் குழுமத்தின் தலைவர் அஜய் பிராமலின் மகனான ஆனந்த பிராமல் என்பவரை காதலித்து வந்தார். இவர்கள் இருவருக்கும் கடந்த மே மாதம் நிச்சயதார்த்தம் நடைபெற்றது.

கோவாவில் நடைபெற்ற நிச்சயதார்தத்தில் இந்த ஆண்டு டிசம்பர் மாதம் 12ஆம் தேதி திருமணம் நடத்த முடிவுசெய்யப்பட்டிருக்கிறது. இந்நிலையில், இதற்கான திருமண அழைப்பிதழை உத்தராகண்ட் மாநிலத்தில் உள்ள கேதார்நாத் கோயிலுக்கு எடுத்துச் சென்று வழிபாடு நடத்தியுள்ளார்.
கடந்த அக்டோபர் 29ஆம் தேதி குடும்பத்தினருடன் சென்ற அவர் சுமார் 20 நிமிடங்கள் அங்கு பூஜைகள் செய்துவிட்டு, ஒரு கோடி காசோலையை நன்கொடையாகவும் அளித்துள்ளார்.