ஊதிய உயர்வு, பென்சன் தொகை.. அங்கன்வாடி ஊழியர்கள் போராட்டம்!
ஓய்வுபெற்ற ஊழியர்களுக்கு வரையறுக்கப்பட்ட ஓய்வூதியம் வழங்கிட வேண்டும் உள்ளிட்ட கோரிக்கைகளை முன்வைத்து அங்கன்வாடி பணியாளர்கள் போராட்டத்தில் ஈடுபட்டுள்ளனர்.
Samayam Tamil 27 Sep 2022, 4:47 pm
![anganwadi workers anganwadi workers](https://tamil.samayam.com/thumb/94481049/anganwadi-workers-94481049.jpg?imgsize=127588&width=380&height=214&resizemode=75)
அங்கன்வாடியில் உள்ள காலி பணியிடங்களை உடனடியாக நிரப்ப வேண்டும், சமையல் பணிக்கு ஆண்டுக்கு 4 சிலிண்டர் வழங்கிட வேண்டும் என்பன உள்ளிட்ட கோரிக்கைகளை வலியுறுத்தி தமிழ்நாடு அங்கன்வாடி ஊழியர் மற்றும் உதவியாளர் சங்கத்தின் 300க்கும் மேற்பட்டோர் எரிவாயு சிலிண்டருடன் நாமக்கல் மாவட்டத்தில் கண்டன ஆர்ப்பாட்டத்தில் ஈடுபட்டனர்.
தமிழ்நாடு அங்கன்வாடி ஊழியர் மற்றும் உதவியாளர் சங்கத்தின் சார்பில் நாமக்கல் பூங்கா சாலையில் கண்டன ஆர்ப்பாட்டம் நேற்று நடைபெற்றது. அங்கன்வாடியில் உள்ள காலி பணியிடங்களை உடனடியாக நிரப்பிட வேண்டும், பணியாளர் அனைவருக்கும் பொது மாறுதல் கலந்தாய்வு நடத்திட வேண்டும், சமையல் பணிக்கு சிலிண்டருக்கான முழுத்தொகையை வழங்கிட வேண்டும் அல்லது ஆண்டுக்கு 4 சிலிண்டர்களை அரசே வழங்கிட வேண்டும், ஊழியர்கள் மற்றும் உதவியாளர்கள் அனைவரையும் அரசு ஊழியராக்கி போன்ற கோரிக்கைகளை முன்வைத்து இந்தப் போராட்டத்தில் முழக்கமிட்டனர்.
அதேபோல, காலமுறை ஊதியம் வழங்கிட வேண்டும், ஓய்வு பெறும் போது ஊழியருக்கு 10 லட்ச ரூபாயும், உதவியாளர்களுக்கு 5 லட்ச ரூபாயும் வழங்கிட வேண்டும், ஓய்வுபெற்ற ஊழியர்களுக்கு வரையறுக்கப்பட்ட ஓய்வூதியம் வழங்கிட வேண்டும் என்பன உள்ளிட்ட கோரிக்கைகளை வலியுறுத்தி சமையல் சிலிண்டர்களை வைத்து கோஷங்களை எழுப்பி ஆர்ப்பாட்டத்தில் ஈடுபட்டனர்.
இந்த ஆர்ப்பாட்டத்தில் நாமக்கல் மாவட்டத்தின் பல்வேறு பகுதிகளைச் சேர்ந்த அங்கன்வாடி பணியாளர்கள் 300க்கும் மேற்பட்டோர் கலந்து கொண்டனர்.
தமிழ்நாடு அங்கன்வாடி ஊழியர் மற்றும் உதவியாளர் சங்கத்தின் சார்பில் நாமக்கல் பூங்கா சாலையில் கண்டன ஆர்ப்பாட்டம் நேற்று நடைபெற்றது. அங்கன்வாடியில் உள்ள காலி பணியிடங்களை உடனடியாக நிரப்பிட வேண்டும், பணியாளர் அனைவருக்கும் பொது மாறுதல் கலந்தாய்வு நடத்திட வேண்டும், சமையல் பணிக்கு சிலிண்டருக்கான முழுத்தொகையை வழங்கிட வேண்டும் அல்லது ஆண்டுக்கு 4 சிலிண்டர்களை அரசே வழங்கிட வேண்டும், ஊழியர்கள் மற்றும் உதவியாளர்கள் அனைவரையும் அரசு ஊழியராக்கி போன்ற கோரிக்கைகளை முன்வைத்து இந்தப் போராட்டத்தில் முழக்கமிட்டனர்.
அதேபோல, காலமுறை ஊதியம் வழங்கிட வேண்டும், ஓய்வு பெறும் போது ஊழியருக்கு 10 லட்ச ரூபாயும், உதவியாளர்களுக்கு 5 லட்ச ரூபாயும் வழங்கிட வேண்டும், ஓய்வுபெற்ற ஊழியர்களுக்கு வரையறுக்கப்பட்ட ஓய்வூதியம் வழங்கிட வேண்டும் என்பன உள்ளிட்ட கோரிக்கைகளை வலியுறுத்தி சமையல் சிலிண்டர்களை வைத்து கோஷங்களை எழுப்பி ஆர்ப்பாட்டத்தில் ஈடுபட்டனர்.
இந்த ஆர்ப்பாட்டத்தில் நாமக்கல் மாவட்டத்தின் பல்வேறு பகுதிகளைச் சேர்ந்த அங்கன்வாடி பணியாளர்கள் 300க்கும் மேற்பட்டோர் கலந்து கொண்டனர்.