Freshers: ஃப்ரஷர்களுக்கு நல்ல காலம் ஆரம்பம்.. ஊழியர்களுக்கு எகிறும் டிமாண்ட்!

இந்தியாவில் நடப்பு ஆண்டில் வேலைவாய்ப்பு செயல்பாடுகள் 40% உயர்ந்துள்ளதாக வேலைவாய்ப்பு தளமான நவுக்ரி (Naukri) வெளியிட்டுள்ள ரிப்போர்ட் கூறுகிறது. அதிலும், ஃப்ரஷர்களுக்கு அதிக டிமாண்ட் இருப்பதாக இந்த அறிக்கையில் கூறப்பட்டுள்ளது.

நடப்பு ஆண்டில் வேலைவாய்ப்பு செயல்பாடுகளில் ஃப்ரஷர்களுக்கு மட்டும் 61% பங்கு இருப்பதாக நவுக்ரி ரிப்போர்ட் கூறுகிறது. அடுத்தடுத்த இடங்களில் 4-7 ஆண்டுகள் அனுபவம் கொண்டவர்களுக்கு 37%, 16 ஆண்டுகளுக்கு மேல் அனுபவம் கொண்டவர்களுக்கு 27%, 13-16 ஆண்டுகள் அனுபவம் கொண்டவர்களுக்கு 26%, 8-12 ஆண்டுகள் அனுபவம் வாய்ந்தவர்களுக்கு 22% பங்கு உள்ளது.

கொரோனா நெருக்கடி காலகட்டத்தில் புதிய வேலைவாய்ப்புகள் பாதிக்கப்பட்டன. எனினும் தற்போது கொரோனா தாக்கம் குறைந்து இயல்புநிலை திரும்பிவிட்ட சூழலில், பணியமர்த்தல் நடவடிக்கைகள் வேகம்பெற்றுள்ளதாக தெரிகிறது.

எனக்கு எண்டே கிடையாது.. மீண்டும் முதலிடத்தில் அம்பானி
மெட்ரோ நகரங்கள், மெட்ரோ அல்லாத மற்ற நகரங்கள், ஃப்ரஷர்கள், அனுபவம் வாய்ந்த ஊழியர்கள் என அனைத்து தரப்பினருக்கும் வேலைவாய்ப்புகள் கிடைத்து வருவதாக நவுக்ரி ரிப்போர்ட் கூறுகிறது.

துறை அடிப்படையில் பார்த்தால் ஹாஸ்பிடாலிட்டி மற்றும் சுற்றுலா துறையில் வேலைவாய்ப்புகள் 357% உயர்ந்துள்ளது. கொரோனா காலகத்தில் சுற்றுலா துறை கடுமையாக பாதிக்கப்பட்டதும், வேலைவாய்ப்புகளை இழந்ததும் குறிப்பிடத்தக்கது.

அடுத்தபடியால ரீட்டெய்ல் துறையில் 175%, ரியல் எஸ்டேட் துறையில் 141%, இன்சூரன்ஸ் துறையில் 126% வளர்ச்சி ஏற்பட்டுள்ளது. நகரங்களின் அடிப்படையில் டெல்லியில் 63%, கொல்கத்தாவில் 59%, சென்னையில் 35% வளர்ச்சி ஏற்பட்டுள்ளது.