கல்விக் கடன் வாங்கப் போறீங்களா? இதுதான் வட்டி!

பள்ளிப் படிப்பை முடித்து கல்லூரிகளிலும் பல்கலைக் கழகங்களிலும் சேர்ந்து உயர் கல்வி படிப்பதற்கான வாய்ப்புகள் அதிகமாக இருக்கின்றன. ஆனால், கல்விக்கான செலவு அதிகமாக இருப்பதால் பலரால் தங்களுக்கு விருப்பமான படிப்பைத் தேர்ந்தெடுத்துப் படிக்க முடிவதில்லை. கல்வி நிறுவனங்களில் இடம் கிடைத்தும் பணம் இல்லாத காரணத்தால் மாணவர்கள் பலர் சேர முடியாமல் போவதும் படிப்பைப் பாதியில் விட்டு விலகுவதும் நடக்கிறது. இதுபோன்ற சூழலில் வங்கிகள் மூலம் மாணவர்களுக்குக் கல்விக் கடன் கிடைப்பது பெரிதும் உதவியாக இருக்கிறது. கல்விக் கடன்களுக்கு வங்கிகளும் பல்வேறு சலுகைகளை வழங்குகின்றன.

வங்கிகளில் கல்விக் கடன் வாங்குவதற்கு முன்பாக, எந்த வங்கியில் எவ்வளவு வட்டி, எங்கு சலுகைகள் அதிகமாக உள்ளன போன்ற விவரங்களையெல்லாம் தெரிந்துகொண்டு சரியான ஆலோசனையுடன் வாங்குவது நல்லது.

ஸ்டேட் பேங்க் ஆஃப் இந்தியா வங்கியில் ரூ.50 லட்சம் வரையிலான கடன்களுக்கு 6.85 சதவீதம் முதல் ரூ.9.30 சதவீதம் வரையில் வட்டி வசூலிக்கப்படுகிறது. ரூ.20 லட்சம் வரையிலான கடனுக்கு செயல்பாட்டுக் கட்டணம் எதுவும் வசூலிக்கப்படுவதில்லை. அதற்கு மேலான தொகைக்கு ரூ.10,000 வசூலிக்கப்படும்.

பேங்க் ஆஃப் இந்தியா - 6.85% முதல் 9.35%
பஞ்சாப் நேஷனல் பேங்க் - 6.905 முதல் 9.55%
பேங்க் ஆஃப் பரோடா - 6.75% முதல் 7.75%
பஞ்சாப் & சிந்த் பேங்க் - 8.30% முதல் 9.10%
கனரா பேங்க் - 6.90% முதல் 8.90%
ஆக்சிஸ் பேங்க் - 13.70% முதல் 15.20%
யூனியன் பேங்க் இந்தியா - 6.80% முதல் 10.05%