ஏடிஎம் கார்டு கட்டணம் அதிரடி உயர்வு.. இனி அதிகம் செலவாகும் மக்களே!

இந்தியாவின் மிகப்பெரிய அரசு வங்கியான ஸ்டேட் பேங்க் ஆஃப் இந்தியா தனது வாடிக்கையாளர்களுக்கு பெரும் அதிர்ச்சியை அளித்துள்ளது. ஏடிஎம் கார்டு தொடர்பான விஷயத்தில் ஒரு முக்கியமான அறிவிப்பு வெளியாகியுள்ளது. எனவே உங்களிடம் எஸ்பிஐ டெபிட் கார்டு இருந்தால் கண்டிப்பாக இந்த மாற்றங்ள் குறித்து தெரிந்துகொள்ள வேண்டும்.

சில டெபிட் கார்டுகளுடன் வருடாந்திர பராமரிப்புக் கட்டணத்தை ஸ்டேட் பேங்க் ஆஃப் இந்தியா வங்கி திருத்தியுள்ளது. புதிய கட்டணங்கள் ஏப்ரல் 1 முதல் அமலுக்கு வருகின்றன. எனவே, எந்த டெபிட் கார்டில் எவ்வளவு பராமரிப்பு கட்டணம் உள்ளது என்று இங்கே பார்த்து தெரிந்து கொள்ளலாம்.

யுவா, கோல்ட், காம்போ டெபிட் கார்டு, மை கார்டு (இமேஜ் கார்டு) போன்ற டெபிட் கார்டுகளுக்கு தற்போதுள்ள ரூ.175 ஆண்டு பராமரிப்பு கட்டணம் 250 ரூபாயாக உயர்த்தப்பட்டுள்ளது. இதனுடன் ஜிஎஸ்டியும் சேர்த்து வசூல் செய்யப்படும்.

கிளாசிக், சில்வர், குளோபல், காண்டாக்ட்லெஸ் டெபிட் கார்டுகள் உள்ளிட்ட பல கார்டுகளுக்கான வருடாந்திர பராமரிப்பு கட்டணம் தற்போதுள்ள 125 ரூபாயில் இருந்து 200 ரூபாயாக உயர்த்தப்படுகிறது.

தற்போது 250 ரூபாயாக உள்ள எஸ்பிஐ பிளாட்டினம் டெபிட் கார்டுக்கான வருடாந்திர பராமரிப்பு கட்டணம் ஏப்ரல் 1 முதல் 325 ரூபாயாக உயர்த்தப்படும் என்று அறிவிக்கப்பட்டுள்ளது.

ஸ்டேட் பாங்க் ஆஃப் இந்தியா வங்கி தனது டெபிட் கார்டு போன்ற பிரைட் பிரீமியம் பிசினஸ் டெபிட் கார்டுக்கான முழு ஆண்டு பராமரிப்பு கட்டணம் 350 ரூபாயில் இருந்து 425 ரூபாயாக உயர்த்தியுள்ளது. இதனுடன் ஜிஎஸ்டியும் சேர்த்து வசூல் செய்யப்படும்.

கிளாசிக், சில்வர், குளோபல், காண்டாக்ட்லெஸ் டெபிட் கார்டுகளுக்கு கட்டணம் இல்லை.
கோல்டு டெபிட் கார்டுக்கு ரூ.100+ஜிஎஸ்டி.
பிளாட்டினம் டெபிட் கார்டுக்கு ரூ.300+ஜிஎஸ்டி வசூல் செய்யப்படும்.

டெபிட் கார்டு மாற்று கட்டணமாக 300 ரூபாயும்,
டூப்ளிகேட் பின் நம்பர் மற்றும் பின் மறு உருவாக்கம் ஆகியவற்றுக்கு 50 ரூபாயும் கட்டணம் வசூலிக்கப்படும். இதில் ஜிஎஸ்டியும் செலுத்த வேண்டியிருக்கும்.