மத வழிப்பாட்டு தல அன்னதானம் மற்றும் பிரசாதங்களுக்கு ஜி.எஸ்.டி வரி இல்லை

டெல்லி : கோவில் , மசூதி, தேவாலயம் உள்ளிட்ட மத வழிப்பாட்டு தலங்களில் பக்தர்களுக்கு வழங்கப்படும் அன்னதானம் மற்றும் பிரசாதங்களுக்கு ஜி.எஸ்.டி வரி இல்லை என்று மத்திய அரசு அறிவித்துள்ளது.

நாடு முழுவதும் ஒரே சீரான வரி முறையை கொண்டுவரும் நோக்கில் சரக்கு மற்றும் சேவை வரி (ஜி.எஸ்.டி) ஜுலை 1-ல் அமல்படுத்தப்பட்டுள்ளது. இந்த ஜி.எஸ்.டி வரியான 5 முதல் 28 சதவீதம் வரை சில பொருட்களுக்கு வசூலிக்கப்படுகிறது. இந்தநிலையில் மத வழிப்பாட்டு தலங்களில் பக்தர்களுக்கு வழங்கப்படும் அன்னதானம் மற்றும் பிரசாதங்களுக்கு ஜி.எஸ்.டி வரி இல்லை என்று மத்திய அரசு அறிவித்துள்ளது.

இது குறித்து மத்திய அமைச்சகம் வெளியிட்டுள்ள செய்தி குறிப்பில் ," :வழிபாட்டுத் தலங்கள், மத அமைப்புகள் சார்ந்த அன்னதானகூடங்களில் வழங்கப்படும் அன்னதானம், பிரசாதங்களுக்கு ஜி.எஸ்.டி., கிடையாது.

ஆனால் அன்னதானம் மற்றும் பிரசாதங்களை தயாரிக்க பயன்படுத்தப்படும் இடுபொருட்களான சர்க்கரை, சமையல் எண்ணெய், நெய், வெண்ணெய் போன்றவற்றுக்கு ஜி.எஸ்.டி., உண்டு" என்று அதில் கூறப்பட்டுள்ளது.