தங்கத்தை கொட்டும் ஏடிஎம்.. சூப்பர் வசதி அறிமுகம்!

பொதுவாக, நாம் நகைக் கடைகளில்தான் தங்க நகைகளையும் நாணயங்களையும் வாங்குவோம். அதற்கு பல தூரம் செல்ல வேண்டியிருக்கும். ஒருவேளை உங்களுக்கு அருகிலேயே தங்க நாணயங்கள் கிடைத்தால் எவ்வளவு உதவியாக இருக்கும்! அதுவும் ஏடிஎம் மெஷினிலேயே கிடைத்தால்? இது உண்மைதான். ஏடிஎம் மெஷினிலேயே தங்க நாணயங்களை எடுக்கும் வசதி ஏற்படுத்தப்பட்டுள்ளது.

தனிஷ்க் நிறுவனம் சார்பாக இந்த ஏடிஎம் அமைக்கப்பட்டுள்ளது. ஒரு கிராம், 2 கிராம் என தங்க நாணயங்களை நீங்கள் இந்த ஏடிஎம் மெஷினில் எடுத்துக் கொள்ளலாம். நாளின் 24 மணி நேரமும் இந்த ஏடிஎம் செயல்பாட்டில் இருக்கும் என்று தெரிவிக்கப்பட்டுள்ளது. 24 கேரட் தங்க நாணயங்களை நீங்கள் இந்த ஏடிஎம் மெஷின் மூலமாக எடுத்துக் கொள்ளலாம்.

தனிஷ்க் நகைக் கடைகள் அமைந்துள்ள இடத்திலேயே இந்த ஏடிஎம் மெஷின்கள் அமைக்கப்பட்டுள்ளது. முதற்கட்டமாக 21 இடங்களில் இந்த வசதி ஏற்படுத்தப்பட்டுள்ளது. இந்த வசதியின் மூலமாக இனி வாடிக்கையாளர்கள் மிக எளிதாக தங்க நாணயங்களை வாங்க முடியும். இதற்காக கடைகளில் மணிக் கணக்கில் காத்திருக்க வேண்டிய சிரமம் இனி இருக்காது. இந்த வசதி வாடிக்கையாளர்களிடையே அதிக வரவேற்பைப் பெற்றுள்ளது.

கிழிந்த நோட்டு உங்க கிட்ட இருக்கா? நீங்க செய்ய வேண்டியது இதுதான்!

வழக்கமான ஏடிஎம் மெஷின்களே சரியாக இயங்காத சூழல் இருக்கும் நிலையில், இந்த தங்க ஏடிஎம்கள் தொடர்ந்து சிறப்பாக செயல்படுமா என்ற சந்தேகமும் இருக்கிறது. அதேநேரம், பல்வேறு இடங்களில் இன்னும் நிறைய ஏடிஎம்கள் அமைக்கப்பட வேண்டும் எனவும் வாடிக்கையாளர்கள் எதிர்பார்க்கின்றனர். தங்கத்துக்கான தேவை அதிகமாக இருக்கும் சூழலில் இந்த வசதி வாடிக்கையாளர்களை வெகுவாகக் கவர்ந்துள்ளது.