ரயில் புக்கிங் இப்போ ரொம்ப ஈசி.. புதிய திட்டம் வந்தாச்சு!

ரயில் டிக்கெட் புக்கிங் செய்வதை எளிமையாக்கும் வகையில், பேடிஎம் (Paytm) மூலம் ரயில் டிக்கெட் பதிவு செய்வதற்கான வசதி அறிமுகமாகியுள்ளது. இதன்படி, ஆட்டோமேட்டிக் ரயில் டிக்கெட் இயந்திரங்களில் (Automatic Ticket Vending Machines) பேடிஎம் மூலம் பணம் செலுத்தி டிக்கெட் பெறலாம்.

இதற்காக பேடிஎம் நிறுவனத்துடன் ஐஆர்சிடிசி (IRCTC) நிறுவனம் கூட்டணி அமைத்துள்ளது. இதன் மூலம் ரயில் பயணிகள் மிக ஈசியாக பேடிஎம் வழியாக ரயில் டிக்கெட்டுகளை உடனடியாக பெற்றுக்கொள்ள முடியும்.

ரயில் டிக்கெட் புக்கிங்.. நீங்களும் ஈசியா கணக்கு தொடங்கலாம்!
Paytm ஆப் மூலம் ரயில் டிக்கெட் புக் செய்வது எப்படி?

* ரயில் டிக்கெட் இயந்திரத்தில் பயணம் செய்யும் இடத்தை தேர்வு செய்யவும்.

* கட்டணம் செலுத்த Paytm UPI ஆப்ஷனை தேர்வு செய்யவும்.

* QR Code ஸ்கேன் செய்யவும்.

* பரிவர்த்தனை முடிந்தவுடன் இயந்திரம் வழியாக ரயில் டிக்கெட் கிடைக்கும்.

இந்த புதிய வசதி மூலம் ரயில் பயணிகள் மிக எளிதாக டிக்கெட் பெற முடியும். மேலும், இந்த வசதி டிஜிட்டல் பரிவர்த்தனைகளை ஊக்குவிக்கும் வகையில் இருப்பது கூடுதல் சிறப்பு.