Petrol Diesel Price: பெட்ரோல் லிட்டருக்கு 22 காசுகள் குறைப்பு... டீசல் 11 காசுகள் குறைந்தது

இன்று பெட்ரோல் விலை டெல்லியில் 21 காசுகளும் மும்பை, கொல்கத்தா, சென்னை உள்ளிட்ட பகுதிகளில் 22 காசுகளும் குறைக்கப்பட்டுள்ளன.

சர்வதேச சந்தையில் கச்சா எண்ணெயின் விலை தொடர்ந்து அதிகரித்து வருவது ஒருபக்கம் இருக்க, டாலருக்கு நிகரான இந்திய ரூபாயின் மதிப்பு வீழ்ச்சியடைந்து வருகிறது.

இந்நிலையில், இந்தியாவில் பண்டிகை காலம் வருவதை முன்னிட்டு, எண்ணெய் நிறுவனங்கள் பெட்ரோல், டீசல் விலையை குறைக்கும் நடவடிக்கைகளை எடுத்துள்ளன.

அதன்படி டெல்லியில் பெட்ரோல் விலை 21 காசுகளும் மும்பை, கொல்கத்தா, சென்னை உள்ளிட்ட நகரங்களில் 22 காசுகளும் குறைக்கப்பட்டுள்ளன.

நேற்றைய நிலவரப்படி, சென்னையில் பெட்ரோல் லிட்டருக்கு ரூ. 86.10 என்ற விலையில் விற்பனையானது. தற்போது விலைக்குறைப்பு நடவடிக்கை எடுத்த பிறகு இன்று சென்னையில் பெட்ரோல் விலை லிட்டருக்கு ரூ. 85.88-க்கு விற்பனையாகிறது.

அதேபோல டீசல் விலை 11 காசுகள் குறைக்கப்பட்டுள்ள நிலையில், சென்னையில் டீசல் லிட்டருக்கு ரூ. 79.83-க்கும் விற்பனையாகி வருகிறது.