தம்பிக்கு 23, 000 கோடி கொடுத்து உதவிய முகேஷ் அம்பானி!

உலக பணக்காரர்கள் வரிசையில் இடம் பெற்றுள்ள முகேஷ் அம்பானி தனது தம்பி அனில் அம்பானிக்கு ரூ. 23, 000 கோடி வழங்கியிருக்கிறார்.

உலக பணக்காரர் வரிசையில் இடம் பெற்றிருந்த இந்திய பணக்காரர் குருபாய் அம்பானி . அவர் மறைவுக்கு பிறகு அவரது மகன்கள் முகேஷ் அம்பானி, அனில் அம்பானி ஆகியோர் சொத்துக்களை பிரித்துக்கொண்டனர் .

இந்நிலையில் தம்பி அனில் அம்பானியின் ரிலையன்ஸ் கம்யூனிகேஷன்ஸ் பலவித சிக்கல்களை சந்தித்தது.இதனால் சுமார் 45, 000 கோடி ரூபாய் கடன் சுமைக்கு ஆளானார். இதையடுத்து தனது ஸ்பெக்ட்ரம், மொபைல் கோபுரங்கள், ஆப்டிகல் ஃபைபர் நெட்வொர்க் மற்றும் ரியல் எஸ்டேட் சொத்துக்களை விற்பனை செய்து கடன் சுமையை குறைக்க திட்டமிட்டார்.

இந்நிலையில் அவரது அண்ணன் முகேஷ் அம்பானி அவரது தந்தையின் பிறந்தநாளை முன்னிட்டு அந்த சொத்துகளை ரூ.23, 000 கோடி கொடுத்து அவரே வாங்கியுள்ளார். அம்பானி சகோதரர்களிடையே சொத்துக்கள் குறித்து சர்ச்சைகள் இருந்ததும் பிறகு அவை தீர்க்கப்பட்டதும் குறிப்பிடத்தக்கது.