ஆன்லைன் வேலைவாய்ப்புகள் நவம்பரில் உயர்வு!

இந்தியாவில் வேலை உருவாக்கம் மிக மந்தமாக இருப்பதாக நீண்ட காலமாகவே குற்றச்சாட்டு நிலவுகிறது. படித்த இளைஞர்கள் வேலைக்காக வேலைவாய்ப்பு அலுவலகங்களையும், ஆன்லைன் வேலைவாய்ப்புத் தளங்களிலும் தேடி அலைகின்றனர். இந்நிலையில், நவம்பர் மாதத்தில் ஆன்லைன் வேலைவாய்ப்புகள் 21 சதவீதம் வளர்ச்சி கண்டுள்ளதாக டைம்ஸ் ஜாப்ஸ் ஆய்வறிக்கையில் தெரிவிக்கப்பட்டுள்ளது. ஒவ்வொரு மாதமும் வேலை உருவாக்கம் தொடர்பான ஆய்வு முடிவுகளை டைம்ஸ் ஜாப்ஸ் வெளியிட்டு வருகிறது.

அக்டோபர் மாதத்தை விட நவம்பர் மாதத்தில் 12 சதவீதம் கூடுதலான வேலைவாய்ப்புகள் உருவாக்கப்பட்டுள்ளதாகவும் இந்த ஆய்வில் தெரிவிக்கப்பட்டுள்ளது. நுகர்வோர் பயன்பாட்டுப் பொருட்கள் மற்றும் வேகமாக விற்பனையாகும் நுகர்பொருள் துறையிலும், சுகாதார - உயிரி தொழில்நுட்பத் துறையிலும் 30 சதவீதத்துக்கும் மேல் வளர்ச்சி ஏற்பட்டுள்ளது. பெட்ரோ கெமிக்கல், எண்ணெய் - எரிவாயுத் துறையில் 25 சதவீதம் கூடுதலான அளவில் வேலைவாய்ப்புகள் உருவாக்கப்பட்டுள்ளன.

வெங்காயம் விலை குறைஞ்சிருக்கா இல்லையா?

மற்ற துறைகளிலும் குறிப்பிடத்தகுந்த வளர்ச்சி ஏற்பட்டுள்ள நிலையில், ஆட்டோமொபைல் துறையில் மட்டும் 2 சதவீத வீழ்ச்சி ஏற்பட்டுள்ளது. கடந்த ஓராண்டுக்கும் மேலாக ஆட்டோமொபைல் துறையில் மந்தநிலை நீடிப்பதால் வேலை உருவாக்கத்திலும் போதிய வளர்ச்சி ஏற்படவில்லை. இந்திய நிறுவனங்களில் தொழில்நுட்ப அம்சங்களின் வளர்ச்சியால் திறமை மிக்க பணியாளர்களின் வேலைவாய்ப்புகள் அதிகரிக்கத் தொடங்கியுள்ளதாக டைம்ஸ் ஜாப்ஸ் தொழில் பிரிவுத் தலைவரான சஞ்சய் கோயல் தெரிவித்துள்ளார்.

RIL brookfield deal: பட்டைய கிளப்பும் அம்பானி... ரூ.25,000 கோடிக்கு ஒப்பந்தம்!

இரண்டு முதல் ஐந்து ஆண்டுகள் வரையில் அனுபவம் கொண்ட பணியாளர்களுக்கான தேவை நவம்பர் மாதத்தில் மிக அதிகமாக இருந்துள்ளது. சீனியர் லெவல் பணியாளர்களுக்கான வேலைவாய்ப்புகளும் சிறப்பாக இருந்ததாக இந்த ஆய்வு கூறுகிறது.