உங்க குழந்தையின் எதிர்காலத்துக்கு... 500 ரூபாய் இருந்தால் போதும்!

பெற்றோர்கள் தங்களது குழந்தைகளின் எதிர்காலத்தை நல்ல படியாக அமைக்க ஆரம்பத்திலேயே சரியான திட்டத்தில் பணத்தைப் போடுவது மிக முக்கியமாகும். கல்வி முதல் திருமணம் வரை குழந்தைகளின் செலவுகளுக்கு பொறுப்பேற்க வேண்டியது பெற்றோர்களுக்கு அவசியமான ஒன்றாகும். எனவே இன்றே தொடங்கி குழந்தையின் எதிர்காலத்துக்காக பணத்தைச் சேர்க்கத் தயாராக வேண்டும். இந்த விஷயத்தில் பெற்றோர்களுக்குப் பொது வருங்கால வைப்பு நிதி (PPF) ஒரு சிறந்த வழியாக இருக்கும்.

இத்திட்டத்தில் வெறும் 500 ரூபாய் முதலீடு செய்து ஒரு கணக்கைத் திறக்கலாம். இதன் முதிர்வு காலம் 15 ஆண்டுகள். அதைத் தாண்டியும் தேவைப்பட்டால் ஐந்து - ஐந்து ஆண்டுகளுக்கு நீட்டித்துக்கொள்ளலாம். நீண்ட கால அடிப்படையில் பார்த்தால் இத்திட்டத்தில் உங்களுக்கு லட்சங்களில் வருமானம் கிடைக்கும். குழந்தையின் பெயரில் நீங்கள் ஒரு பிபிஎஃப் கணக்கைத் திறந்தால் உங்களுக்கு வரி விலக்கும் கிடைக்கிறது. குழந்தையின் பெயரில் நீங்களே நேரடியாக ஒரு கணக்கைத் திறக்கலாம். குழந்தை 18 வயதை அடையும் வரை கணக்கை நீங்கள் தொடர வேண்டும். அதன் பின்னர் அந்தக் குழந்தை அந்தக் கணக்கைத் தொடரலாம்.

ஒரு ரூபாய் நாணயத்துக்கு ஒரு லட்சம் கிடைக்கும்... இது சூப்பர் வாய்ப்பு!
பிபிஎஃப் கணக்கை எந்தவொரு வங்கி அல்லது தபால் நிலையத்திலும் திறக்க முடியும். இருப்பினும், ஒரு நபர் தனது பெயரில் ஒரு கணக்கை மட்டுமே திறக்க முடியும். இரண்டு குழந்தைகளைப் பெற்றவர்கள் ஒரு கணக்கை தாயின் பெயரிலும் மற்றொரு கணக்கைத் தந்தையின் பெயரிலும் திறக்கலாம். இவ்வாறு இருவரும் இரண்டு கணக்கைத் திறந்தால் நீங்கள் ஆண்டுக்கு அதிகபட்சம் ரூ.1.5 லட்சம் டெபாசிட் செய்யலாம். இதில் ஒரு கணக்கைத் திறக்க குறைந்தபட்ச தொகை 500 ரூபாய் மட்டுமே.

குழந்தைகளுக்கான இந்தபிபிஎஃப் கணக்கு கடன் வசதியையும் வழங்குகிறது. இது தவிர, நீங்கள் தேவைக்கேற்ப குறிப்பிட்ட பணத்தை எடுக்கலாம். ஒரு நபர் ஒவ்வொரு ஆண்டும் தனது குழந்தையின் பெயரில் ரூ.1.5 லட்சம் டெபாசிட் செய்தால் அவருக்கு 7.1 சதவீத வட்டி லாபம் கிடைக்கும். 15 ஆண்டுகளுக்குப் பிறகு, இந்தக் கணக்கு முதிர்ச்சியடைந்தால் ரூ.40,68,209 கிடைக்கும். இதில் நீங்கள் முதலீடு செய்தது ரூ.22,50,000 மட்டுமே. ஆனால் உங்களுக்குக் கூடுதலாகக் கிடைப்பது ரூ.18,18,209.