25 வயதில் ரூ. 7,500 கோடி சொத்துக்களுடன் இந்தியாவின் இளம் தொழிலதிபர் இவர்!

ஓயோ நிறுவனத்தைப் பற்றி தெரியாதவர்கள் இல்லை. அதேபோல் இந்த நிறுவனத்தின் ரிதேஷ் அகர்வால் தற்போது இந்தியாவின் இளம் தொழிலதிபராக ''ஐஐஎப்எல் வெல்த் ஹூயுரன் இந்தியா'' வெளியிட்டு இருக்கும் பட்டியலில் இடம் பெற்றுள்ளார்.

அரியானாவில் குருகிராமை தலைமையிடமாகக் கொண்டு ஓயோ நிறுவனம் செயல்படுகிறது. OYO என்றால் On Your Own Rooms என்று பொருள்படுகிறது. இன்றைய கால கட்டத்தில், சொந்த வீடு, வாடகை வீடு என்பதெல்லாம் நெருக்கடிகளுக்கு உள்ளாகியுள்ளது. ஒருவர் ஒரு ஊரில் இருந்து தனது சொந்த காரியங்களுக்காக வெளியூர் செல்லும்போது எங்கு தங்குவது என்ற சிரமம் ஏற்படுகிறது.

அந்த நிலையை ஓயோ நிறுவனம் போக்குகிறது. பெரிய நகரங்கள், இரண்டாம் கட்ட நகரங்களுக்கு செல்லும்போது, உறவினர் வீட்டில் தங்க வேண்டும் என்ற கட்டாயம் இல்லை. வரவேற்பும் குறைந்துவிட்டது. உறவினர் வருகிறார்கள் என்றாலே, முகம் சுழிக்கும் கால கட்டத்தில் இருந்து வருகிறோம்.

வங்கிக்கடன், டெபாசிட் 10% அதிகரிப்பு: ஆர்பிஐ தகவல்

அந்தக் குறையைப் போக்க வந்ததுதான் ஓயோ. நாட்டின் 199 நகரங்களில் இந்த நிறுவனத்துக்கு ஓட்டல் அறைகள் உள்ளன. அந்த நகரங்களுக்கு செல்லும்போது ஆன் லைனில் நமக்கு வேண்டிய அறைகளை புக் செய்து கொள்ளலாம். அங்கே இருந்தவாறு நமக்குத் தேவையான உணவுகளை சொமட்டோவில் ஆர்டர் செய்து கொள்ளலாம். அந்த அளவிற்கு ஓயோ நமது வேலைகளை எளிதாக்கியுள்ளது.

தடுக்கி விழுந்த காளையைத் தூக்கிவிட்ட ஆட்டோ!

சென்னை போன்ற தொழில் நகரங்களில் இந்த ஓயோ அறைகளுக்கு வரவேற்பு அதிகரித்துள்ளது. நமது பொருளாதாரத்திற்கு ஏற்றவாறு அறைகளை எடுத்துக் கொள்ளும் வசதி உள்ளது. தற்போது இந்த நிறுவனத்தின் சொத்து மதிப்பு ரூ. 7,500 கோடியாக உள்ளது.

இந்த சொத்து மதிப்பின்படி இந்தியாவின் இளம் தொழிலதிபராக இந்த நிறுவனத்தின் ரிதேஷ் இருக்கிறார். இவர்தான் இந்த நிறுவனத்தின் சிஇஓவாகவும் இருக்கிறார். ஆசிய அளவில் வழங்கப்படும் Thiel பெல்லோஷிப் அவார்டும் இவருக்கு வழங்கப்பட்டுள்ளது. சைக்கிள் ஓட்டுவது, யோகா பயிற்சியில் ஈடுபடுவது இவருக்கு பிடித்தவை. 25 வயதே ஆகும் இவர் தற்போது நாட்டின் இளம் தொழிலதிபராகவும், பணக்காரராகவும் இருக்கிறார்.